Tikhulu 8:26 - Siswati 1996 Bible

²⁶ Sisindvo salamacici labewacelile saba ngemakhilogremu labengaba li-19 nemagremu langema-500, ngaphandle kwemihlobiso letinhlobonhlobo netingubo letatibukhwebeletane letatembatfwa ngemakhosi aseMidiyani kanye netingcibe lebetisetintsanyeni temakamela awo.

Tikhulu 8:26 Referencias Cruzadas

Esta 8:15

Modekhayi waphuma endlunkhulu embetse imijiva yebukhosi lelingangane nalemhlophe, nengubo lebukhwebeletane kanye nemchele lomuhle wegolide. Bonkhe bantfu edolobheni laseSusa bema etitaladini bamemeta ngalokukhulu kujabula.

Taga 31:22

Wenta tembeso temibhedze, embatse timphahla letentiwe ngakotini locolisakele naletibukhwebeletane.

Isaya 3:18

Ngalelo langa Simakadze uyawubemuka lemihlobiso yabo: emabhengela, nemibhodze leticebedvu kanye nemagcebesha asentsanyeni,

Jeremiya 10:9

Isiliva legcotjiwe iyaletfwa isuka eThashishi, negolide legcotjiwe isuka e-Ufazi. Loko lokubatwe ngumbati nangumbumbi wetegolide, kubese kwembatsiswa letiluhlata njengesibhakabhaka naletibukhwebeletane, konkhe kwakhiwe tingcweti.

Hezekeli 27:7

Ilineni lecolisakele nalehlotjisiwe yaseGibhithe kwakungulona seyili lakho lelalisebenta njengesiboniso sakho; emathende akho abentiwe ngalokuluhlata njengesibhakabhaka nangalokubukhwebeletane lokuphuma etichingini tase-Elisha.

Lukha 16:19

“Bekukhona indvodza leyayicebile igcoka timphahla letatidule kakhulu. Yayinekudla lokunyenti idla kahle onkhe emalanga.

Johane 19:2

Emasotja eluka umchele lonemanyeva, awugigela enhloko yaJesu, amembatsisa umjiva lobovu webukhosi,

Johane 19:5

Ngako-ke Jesu waphuma asatfwele umchele wemanyeva, embetse umjiva lobovu webukhosi. Philatu watsi kubo: “Bukani! Nangu lomuntfu!”

Sembulo 17:4

Lomfati bekagcoke ingubo lebukhwebeletane nalebovu, abembeswe ngemihlobiso yegolide, nangematje laligugu, nangemapharele. Esandleni sakhe abephetse indzebe yegolide igcwele emanyala nekungcola kwebugwadla bakhe.

Sembulo 18:12

imphahla yegolide, neyesiliva, neyematje ladulile, neyemapharele, neyelineni lecolisakele, nalebubendze, neyesilika, nalebovu, neyato tonkhe tihlahla temakha, naletentiwe ngematinyo etindlovu, nato tonkhe letilitfusi, netensimbi, netemabuli,

Sembulo 18:16

batsi: ‘Maye! Waze wabhubha dolobha lelikhulu! Yeka kwembatsiswa kwakho ngelineni lecolisakele, nalebukhwebeletane, nalebovu, nekuhlotjiswa ngegolide, nangematje laligugu, nangemapharele!

Tikhulu 8:21

BoZeba naSalmuna bakhuluma, batsi: “Kota, kutekwentiwa nguwe matfupha loko; ‘indvodza yindvodza ngemandla ayo.’ ” Ngako Gideyoni wasondzela kubo wababulala, wase utsatsa imihlobiso etintsanyeni temakamela abo.

Tikhulu 8:25

Ema-Israyeli aphendvula atsi: “Singajabula kukunika wona.” Ngako endlala ingubo, bonkhe bantfu ngulowo nalowo wajika licici kuyo labelitsetse emphangweni yakhe.

Tikhulu 8:27

Gideyoni wenta sidziya segolide, wasibeka edolobheni lakubo i-Ofra. Onkhe ema-Israyeli eta aphinga ngekukhonta sona; loko kwaba lugibe kuGideyoni kanye nemndeni wakhe.