Tikhulu 8:10 - Siswati 1996 Bible

¹⁰ BoZeba naSalmuna babeseKhakhori kanye nemphi yabo leyayinemadvodza labengaba ti-15 000, bonkhe lababesele emabutfweni etive tangasemphumalanga. Kwase kufe emadvodza lati-120 000, tingwazi cobo lwato.

Tikhulu 8:10 Referencias Cruzadas

2 Emakhosi 3:26

Yatsi kube inkhosi yakaMowabi ibone kutsi yehluliwe, yabe seyitsatsa emadvodza labengema-700 labehlome ngetinkemba, yetama kudzabula ekhatsi icondze enkhosini yaka-Edomu, kodvwa behluleka.

2 Tikhronike 13:17

Abiya kanye nemasotja akhe behlula ema-Israyeli kakhulu, kangangekutsi kwaze kwafa ema-Israyeli, emadvodza elikhetselo, lati-500 000.

2 Tikhronike 28:6

Ngalanga linye nje Phekha, umsa waRemaliya, wabulala emasotja lati-120 000 akaJuda, ngobe phela Juda abesashiye Simakadze, Nkulunkulu waboyisemkhulu.

2 Tikhronike 28:8

Ema-Israyeli atfumba kulabomnakabo bantfu labati-200 000, lekwakubafati, nemadvodzana kanye nemadvodzakati. Baphindze bashuba nemphango lenkhulu kabi, lababuyela nayo eSamariya.

Isaya 37:36

Ngako ingilosi yaSimakadze yaphuma yabhubhisa emadvodza lati-185 000, labesenkambu yema-Asiriya. Batsi bantfu nabavuka ekuseni ngakusasa, bakhangwa lucaca lwetidvumbu!

Isaya 9:4

Ngobe njengasemihleni yekwehlulwa kwakaMidiyani, ulifohlotile lelijoko belingumtfwalo kubo, nemgcala losindzako lobewusemahlombe abo, nendvuku yemcindzeteli wabo.

Tikhulu 20:15

Masinyane nje ngalona lelo langa bakaBhenjamini bahlanganisa emabutfo abo abati-26 000 laphuma emadolobheni awo, bahlanganiswa nalabo bebavele bahlala khona eGibeya lababengema-700, tingwazi cobo lwato.

Tikhulu 20:17

Baka-Israyeli sebabonkhe, ngaphandle kwebakaBhenjamini, babutsa emabutfo lati-400 000, tingwazi todvwana.

Tikhulu 20:2

Baholi bato tonkhe tive tema-Israyeli batsatsa tindzawo tabo enhlanganweni yesive saNkulunkulu, bekubantfu labangema-400 000, emabutfo odvwa ahlome aphelele.

Tikhulu 20:25

Ngalelo langa bakaBhenjamini batsi kube baphume eGibeya, kuyakulwa nebaka-Israyeli, bafike babulala lamanye emavodza aka-Israyeli lati-18 000, labehlome aphelele.

Tikhulu 20:35

Simakadze wabehlula bakaBhenjamini embikwa-Israyeli, ngalelo langa baka-Israyeli babhubhisa ti-25 100 temabutfo akaBhenjamini labehlome onkhe aphelele.

Tikhulu 20:46

Ngalelo langa kwafa bakaBhenjamini labati-25 000, onkhe kungemadvodza labetingwazi cobo lwato.

Tikhulu 6:5

Tatitseleka kanye netifuyo tato nemathende ato, kube shangatsi ngemabulo esikhonyane. Kute labengakhona kubala emadvodza nemakamela ato. Tatihlasela live lonkhe tentele kulibhubhisa.

Tikhulu 7:12

EmaMidiyani, nema-Amaleki, nato tonkhe tive tangasemphumalanga tatimise esigodzini, titse gwacalala njengemabulo esikhonyane. Emakamela ato abengeke asabaleka, abesafanana nesihlabatsi selusentse lwaselwandle.

Tikhulu 7:13

Gideyoni wefika ngesikhatsi lenye indvodza isalandzisa umnganayo liphupho itsi: “Ngibhudze sinkhwa sebhali lesiyindingilizi sita sigicikela enkambu yemaMidiyani. Sifike sashaya lithende ngemandla laze lasiphuka, lafohloka.”

Tikhulu 7:22

Atsi kube lamacilongo langema-300 akhale, Simakadze wasanganisa onkhe lawo madvodza labekuleyo nkambu yemaMidiyani, agucukelana odvwana, agwazana. Imphi yonkhe yesuka yabaleka yacondza eBhethi Shitha kuya eSerera, kuze kuyewufika emnyeleni we-Abela Mehola, eceleni kweThabhathi.

Tikhulu 8:11

Gideyoni wenyuka ngendlela yetihambi emphumalanga yeNoba neJogbeha, watitsela etikwalamabutfo, wona angakacapheli.