Tikhulu 7:24 - Siswati 1996 Bible

²⁴ Gideyoni wakhipha tigijimi kulo lonkhe live letintsaba laka-Efrayimu, watsi: “Yehlani nihlasele emaMidiyani, niyekuwavimbetela etindzaweni tonkhe temanti nasematubukweni emfula iJordane asengakefiki, nize niyewufika eBhethi Bhara.” Ngako onkhe emadvodza aka-Efrayimu amenyetwa ahamba ayawuvimba tonkhe tindzawo letatinemanti nasematubukweni emfula iJordane, kuze kuyewufika eBhethi Bhara;

Tikhulu 7:24 Referencias Cruzadas

Habakhuki 3:7

Ngabona emathende aseKushani aselusizini, nemakhaya akaMidiyani ayatfutfumela.

Johane 1:28

Loko-ke kwenteka ngesheya kweJordane, eBhetani, lapho bekubhabhatisela Johane khona.

KubaseRoma 15:30

Ngiyanincenga, bazalwane, ngeNkhosi yetfu Jesu Khristu nangelutsandvo lwaMoya kutsi nilwe kanye nami ekungikhulekeleni kwenu, kuNkulunkulu.

KubaseFiliphi 1:27

Kuphela hambani ngalokufanele liVangeli laKhristu, kuze kutsi nome ngita nginibona, nome ngingekho, ngive tindzaba letimnandzi ngani kutsi nime nicinile emoyeni munye, kukholwa liVangeli nikulwele ngebunye.

Tikhulu 12:5

BakaGileyadi bavimba onkhe ematubuko emfula iJordane lewelela ka-Efrayimu. Kwakutsi njalo nakukhona lophunyulile waka-Efrayimu, afike atsi: “Ngicela kwewela,” emadvodza akaGileyadi ambute atsi: “Ngekwakho uwaka-Efrayimu yini?” Nakaphendvule watsi: “Cha,”

Tikhulu 8:3

Nkulunkulu wanikela bo-Orebi naZebi, baholi bemaMidiyani, etandleni tenu. Yini lengikhone kuyenta kwendlula nine?” Ngaloko, kumsola kwabo kwabotja.