Tikhulu 7:2 - Siswati 1996 Bible

² Simakadze wakhuluma kuGideyoni, watsi: “Lamadvodza lohamba nawo manyenti kakhulu kutsi nginganikela emaMidiyani etandleni tawo, funa baka-Israyeli batishaye tifuba batsi: ‘Sitisindzise ngemandla etfu.’

Tikhulu 7:2 Referencias Cruzadas

Genesisi 46:2

Nkulunkulu wakhuluma ku-Israyeli embonweni ebusuku, watsi: “Jakobe! Ye Jakobe!” Waphendvula watsi: “Ngilapha!”

2 Tikhronike 14:11

Asa wakhala kuSimakadze Nkulunkulu wakhe, watsi: “Hawu, Simakadze, kute lofanana nawe ngekusita lote emandla umvikele kulonemandla. Sisite, Simakadze Nkulunkulu wetfu, ngobe setsembele kuwe, futsi site kutekulwa nalemphi lenkhulu kangaka, ngobe setsembele ebitweni lakho. Awu, Simakadze, wena unguNkulunkulu wetfu; ungavumeli muntfu kutsi akuncobe.”

Isaya 10:13

Ngobe itsi: “ ‘Ngemandla esandla sami ngikwentile loku, nangekuhlakanipha kwami, ngobe nginako kucondza. Ngayisusa iminyele yetive, ngayiphanga imicebo yato. Njengalonemandla ngabawisa labakhe khona.

Isaya 2:11

Emehlo ebantfu labatikhukhumetako ayawutfotjiswa, kutsi kutigcabha kwebantfu kwehliswe; Simakadze yena yedvwa uyawuphakanyiswa ngalelo langa.

Isaya 2:17

Kutiphakamisa kwebantfu kuyakwehliselwa phansi, nekutigcabha kwebantfu kutfotjiswe; Simakadze yena yedvwa uyawuphakanyiswa ngalelo langa,

Jeremiya 9:23

Naku lokushiwo nguSimakadze, utsi: “Lohlakaniphile akangatigabatisi ngekuhlakanipha kwakhe, kanjalo nemuntfu lonemandla akangatigabatisi ngemandla akhe, kanjalo futsi nemuntfu lonjingile angatigabatisi ngebunjinga bakhe.

Hezekeli 28:17

Inhlitiyo yakho yakhukhumuka ngenca yebuhle bakho, wona buhlakaniphi bakho ngenca yekucwebetela kwakho. Ngako ngase ngikulahlela emhlabeni, ngakwenta inhlekisa embikwemakhosi.

Hezekeli 28:2

“Ndvodzana yemuntfu, shano kumbusi waseThire, utsi: ‘Naku lokushiwo yiNkhosi Simakadze, itsi: “ ‘Ukhuluma ngekutigcabha enhlitiyweni yakho, utsi: “Mine ngingunkulunkulu; ngihlala esihlalweni sebukhosi sankulunkulu ekhatsi nekhatsi elwandle.” Kodvwa ungumuntfu, awusiye nkulunkulu, nome nje uticabanga kutsi uhlakaniphe njengankulunkulu.

Danyela 4:30

yatsi: “Lena akusiyo yini iBhabhulona lenkhulu lengiyakhile yaba sigodlo sekuhlala inkhosi, ngemandla ami lamakhulu ngayakhela ludvumo lwebukhosi bami?”

Habakhuki 1:16

Ngako-ke benta umhlatjelo emanetheni abo ekuhudvula, bashisele imphepho emanetheni abo ekuhudvula, ngobe ngalamanetha abo badla ngaloludzala, batijabulise ngekudla kudla lokukhetsekile.

Zakhariya 12:7

“Simakadze uyawusindzisa emakhaya akaJuda kucala, kuze kutsi ludvumo lwendlu yaDavide kanye nelwetakhamiti taseJerusalema lungabi lukhulu kunelwakaJuda.

Zakhariya 4:6

Ngako yakhuluma kimi, yatsi: “Leli livi laSimakadze leliya kuZerubhabheli, litsi: ‘Akuyi ngetikhwepha nangemandla, kodvwa kuya ngaMoya wami,’ kusho Simakadze longuSomandla.

Numeri 31:4

Tfumelani libutfo leliyinkhulungwane yemadvodza kuleso nakuleso sive saka-Israyeli.”

KubaseRoma 11:18

Ngako-ke ungawedzeleli lamagala, ukhumbule kutsi akusiwe losimise imphandze, kodvwa yimphandze lesimise wena.

KubaseRoma 3:27

Pho-ke, singatigabatisa ngani? Kute! Ngasiphi sizatfu? Ngesizatfu semisebenti yini? Cha, kodvwa ngesizatfu sekukholwa.

2 kubaseKorinthe 4:7

Kepha lamagugu lesinawo siwaphetse ngetitja telibumba. Loko kubonakalisa kutsi lamandla lamakhulu kangaka akasiwo etfu kepha ngaNkulunkulu.

Kubase-Efesu 2:9

Loko akuveli ngemisebenti, funa kube khona lotibongako.

Dutheronomi 32:27

Kodvwa ngakwesaba kucolosha kwesitsa, funa sitsa singacondzisisi kahle, bese sitsi: “Sandla sami sincobile akukentiwa nguSimakadze konkhe loku.” ’

Dutheronomi 8:17

Wena ungatitjela utsi: ‘Ngemandla ami netikhwepha temikhono yami letingikhitsitele wonkhe lomcebo.’

Dutheronomi 8:18

Kodvwa khumbula Simakadze Nkulunkulu wakho, ngobe nguye lokunika emandla ekukhitsita lomcebo, abuye agcizelele sivumelwane sakhe lasenta ngesifungo kuboyihlo njengalamuhla.

YaJakobe 4:6

Kodvwa Nkulunkulu wephana ngemusa lomkhulu, ngako umBhalo utsi: “Nkulunkulu umelana nalabatigcabhako, kepha labatfobekile ubapha umusa.”

1 Samuweli 14:6

Jonathani wakhuluma kuloludzibi lwakhe, watsi: “Kota sambe, siye kulenkambu lapho kumise khona labantfu labangakasoki. Mhlawumbe Simakadze utawuba ngakitsi. Kute lokungavimba Simakadze kutsi asimelele. Kute lokungaphatamisa Simakadze kutsi asisindzise ngebantfu labanyenti nome ngebantfu labambalwa.”