Tikhulu 7:15 - Siswati 1996 Bible

¹⁵ Watsi kube Gideyoni eve leliphupho kanye nenchazelo, wakhotsama Nkulunkulu, wamkhonta. Wancandzeka wabuyela enkambu yaka-Israyeli, wafike wamemeta watsi: “Vukani! Simakadze unikele inkambu yemaMidiyani esandleni senu!”

Tikhulu 7:15 Referencias Cruzadas

Genesisi 24:48

Ngase ngikhotsamisa inhloko yami, ngakhuleka kuSimakadze, ngimbonga yena longuNkulunkulu wenkhosi yami Abrahama, ngobe angihole ngendlela lekungiyo sibili kutsi ngitewutsatsa lendvodzakati yesihlobo senkhosi yami itewuba ngumfati wendvodzana yayo.

Genesisi 40:8

Bamphendvula batsi: “Sobabili sibhudzile, futsi kute nalongachaza kutsi asho kutsini lamaphupho etfu.” Josefa wabaphendvula watsi: “Kantsi tinchazelo temaphupho atiphumi kuNkulunkulu yini? Ase ningitjele kutsi nibhudzeni.”

Genesisi 41:11

Ngabusuku bunye sobabili sabhudza, lelo nalelo phupho lalinenchazelo yalo.

Tikhulu 3:28

Wakhuluma kuwo, watsi: “Landzelani mine, ngobe Simakadze unikele Mowabi, sitsa senu, etandleni tenu.” Ngako amlandzela ehla naye, atfumba onkhe ematubuko emfula iJordane lewelela kaMowabi, avimbela bonkhe labewelako.

Tikhulu 4:14

Debhora wakhuluma kuBharaki, watsi: “Sukuma uhambe, lamuhla ngilo lilanga lapho Simakadze anikela Sisera esandleni sakho. Simakadze akahambi embikwakho yini?” Ngako Bharaki wehla eNtsabeni iThabori alandzelwa ngemadvodza lati-10 000.

Tikhulu 7:11

ulalele kutsi batsini. Emvakwaloko utawuba nesibindzi sekuyihlasela lenkambu.” Ngako yena naPhura, inceku yakhe, behlela kulabo lababegadze inkambu.

Tikhulu 7:14

Lomnganakhe waphendvula watsi: “Phela loko kungeke kusho lutfo ngaphandle kwenkemba yaGideyoni, umsa waJowashi, waka-Israyeli. Nkulunkulu unikele emaMidiyani nenkambu yonkhe esandleni sakhe.”

Tikhulu 7:16

Wahlela lamadvodza langema-300, wawenta emabutfo lamatsatfu. Onkhe lamadvodza wawanika emacilongo nemajeke labengenalutfo, kanye netidlwane lebetisekhatsi emajekeni, watsi ngulowo nalowo akakubambe ngetandla.

Tikhulu 8:7

Gideyoni wabaphendvula watsi: “Njengobe nisho nje, kuyawutsi Simakadze anganikela boZeba naSalmuna esandleni sami, ngiyawudladlabula imitimba yenu ngemanyeva esiganga nangetinchachabutane.”

1 Samuweli 1:28

Ngako manje sengimletse kuSimakadze. Kuko konkhe kuphila kwakhe utawuba waSimakadze.” Samuweli wabe sewukhonta Simakadze khona lapho.

1 Samuweli 14:12

Emadvodza asenkambu amemeta Jonathani kanye neludzibi lwakhe, atsi: “Yenyukani nite lapha, sitanifundzisa sifundvo.” Jonathani wase ukhuluma kuloludzibi lwakhe, watsi: “Yekhwela, ungilandzele; Simakadze ubanikele esandleni sema-Israyeli.”