Tikhulu 7:11 - Siswati 1996 Bible

¹¹ ulalele kutsi batsini. Emvakwaloko utawuba nesibindzi sekuyihlasela lenkambu.” Ngako yena naPhura, inceku yakhe, behlela kulabo lababegadze inkambu.

Tikhulu 7:11 Referencias Cruzadas

Genesisi 24:14

Akutsi kuleyo ntfombi lengitawutsi kuyo: ‘Ngicela ubeke phansi imbita ngitewunatsa,’ yona-ke itsi: ‘Natsa, ngitawunatsisa wena kanye nemakamela akho,’ ngicela kutsi leyo kube ngiyo-ke loyimisele Isaka, inceku yakho. Ngiyawukwati ngaloko-ke kutsi ukhombise umusa enkhosini yami.”

Ezra 6:22

Batsatsa emalanga lasikhombisa bagubha uMkhosi weSinkhwa Lesingenambiliso, ngobe Simakadze abebajabulisile ngekugucula simo senkhosi yase-Asiriya, yaze yabasita ekwakheni indlu yaSimakadze, Nkulunkulu wema-Israyeli.

Nehemiya 6:9

Bonkhe babetama kusesabisa bacabanga batsi: “Tandla tabo titawuba butsakatsaka tingabe tisasebenta, lomsebenti ungabe usaphela.” Kodvwa ngathandaza ngatsi: “Nkulunkulu, cinisa tandla tami.”

Eksodusi 13:18

Esikhundleni saloko, Nkulunkulu sive sema-Israyeli wasihola ngendlela lendze lejika ehlane lelingaseLwandle Lolubovu, sive sema-Israyeli saphuma eGibhithe sihleleke njengemphi.

Kubase-Efesu 3:16

kuze ngekwengcebo yebukhosi bakhe aniphe kuciniseka emandleni kumuntfu wangekhatsi ngaMoya wakhe.

Kubase-Efesu 6:10

Kwekugcina, cinani eNkhosini nasemandleni ayo lamakhulu.

KubaseFiliphi 4:13

Nginemandla ekwenta konkhe ngaye Khristu longicinisako.

Tikhulu 7:10

Nawesabako kuhlasela, yehlela enkambu nenceku yakho, Phura,

1 Samuweli 14:12

Emadvodza asenkambu amemeta Jonathani kanye neludzibi lwakhe, atsi: “Yenyukani nite lapha, sitanifundzisa sifundvo.” Jonathani wase ukhuluma kuloludzibi lwakhe, watsi: “Yekhwela, ungilandzele; Simakadze ubanikele esandleni sema-Israyeli.”

1 Samuweli 23:16

Jonathani, umsa waSawula, wesuka lapho waya eHoreshi kuDavide kuyawucinisa sandla sakhe kuNkulunkulu.

1 Samuweli 26:6

Davide wabuta ku-Ahimeleki, umHethi, na-Abishayi, umsa waSeruya, umnakaboJowabe, watsi: “Ngubani lotakwehla nami siye lapha enkambu kuSawula?” Abishayi waphendvula watsi: “Mine ngitawuhamba nawe.”