Tikhulu 6:5 - Siswati 1996 Bible

⁵ Tatitseleka kanye netifuyo tato nemathende ato, kube shangatsi ngemabulo esikhonyane. Kute labengakhona kubala emadvodza nemakamela ato. Tatihlasela live lonkhe tentele kulibhubhisa.

Tikhulu 6:5 Referencias Cruzadas

Ingoma Yetingoma 1:5

Ngiluhlata, kodvwa ngiyatsandzeka, awu, madvodzakati aseJerusalema, ngiluhlata njengemathende aseKhedari; yebo, njengetindvwangu temathende aSolomoni.

Isaya 13:20

Kungeke kuphindze kuhlale muntfu kuyo, kute loyawuphindze ahlale kuyo titukulwane ngetitukulwane; kute um-Arabu loyawumisa lithende lakhe lapho, kute nemelusi loyawuphumulisa imihlambi yakhe kuyo.

Isaya 60:6

Imihlambi yemakamela iyawugcwala eveni lakho, emakamela lamancane akaMidiyani newase-Efa. Bonkhe baseSheba bayawuta, betfwele igolide nemphepho, bamemetela ludvumo lwaSimakadze.

Jeremiya 46:23

Bayawucobela phansi lihlatsi layo, naloku lihlangene kangaka nje. Banyenti bendlula libulo lesikhonyane, abanawubalwa ngumuntfu,” kusho Simakadze.

Jeremiya 49:29

Emathende abo kanye nemihlambi yabo kuyawutsatfwa, nemadlangala abo ayakwetfwalwa atfunjwe nato tonkhe timphahla tabo nemakamela abo. Bantfu bayawumemeta kubo, batsi: ‘Tesabekiso yonkhe indzawo.’

Jeremiya 49:32

“Emakamela abo atsi atawuba yimphango, nemihlambi yabo lemikhulu itawuba yimphango. Ngiyawubasakatela emoyeni labo labasemaveni lakhashane, ngiyawubehlisela tigemegeme letivela ndzawo tonkhe,” kusho Simakadze.

Jeremiya 51:14

Simakadze longuSomandla utifunge yena, watsi: “Ngiyawukugcwalisa ngemadvodza, kube shangatsi ngemabulo etintsetse, bayawumemeta ngelivi lelikhulu bahalalise ngawe.”

Dutheronomi 28:33

Sive leningasati siyawufika sidle titselo nesivuno selive lenu. Aniyikuba nalutfo, kodvwa niyawucindzetelwa ngelulaka onkhe emalanga ekuphila kwenu.

Tikhulu 7:12

EmaMidiyani, nema-Amaleki, nato tonkhe tive tangasemphumalanga tatimise esigodzini, titse gwacalala njengemabulo esikhonyane. Emakamela ato abengeke asabaleka, abesafanana nesihlabatsi selusentse lwaselwandle.

Tikhulu 8:10

BoZeba naSalmuna babeseKhakhori kanye nemphi yabo leyayinemadvodza labengaba ti-15 000, bonkhe lababesele emabutfweni etive tangasemphumalanga. Kwase kufe emadvodza lati-120 000, tingwazi cobo lwato.

Tikhulu 8:21

BoZeba naSalmuna bakhuluma, batsi: “Kota, kutekwentiwa nguwe matfupha loko; ‘indvodza yindvodza ngemandla ayo.’ ” Ngako Gideyoni wasondzela kubo wababulala, wase utsatsa imihlobiso etintsanyeni temakamela abo.

1 Samuweli 30:17

Davide wabahlasela wabacitsa kusukela nakuhwalalako, kwaze kwaba ngusebusuku bangakusasa solo abaphetse; kwabate ngisho namunye lowaphunyula ngaphandle kwemajaha langema-400 lagibela emakamela awo, zaya.