Tikhulu 6:34 - Siswati 1996 Bible

³⁴ Moya waSimakadze wehlela etikwaGideyoni; Gideyoni washaya licilongo atjela baka-Abiyezeri kutsi bamlandzele.

Tikhulu 6:34 Referencias Cruzadas

1 Tikhronike 12:18

Moya wabe sewehlela ku-Amasayi, lowabe sewuyabekwa kutsi abe ngumholi walabangema-30, watsi: “Davide, msa waJese, tsine sibakho! Sihambisana nawe! Imphumelelo! Nalabo labakusitako ababe nemphumelelo! Ngobe Nkulunkulu wakho utakusita.” Davide wavele wabemukela, wababeka baba baholi bemabutfo akhe ekuhlasela.

1 Tikhronike 12:19

Lamanye emadvodza akaManase ahlephuka alandzela Davide ngesikhatsi ahamba nemaFilisti kuyakulwa nenkhosi Sawula. Empeleni yena nemadvodza akakhe akazange awasite emaFilisti, ngobe emvakwekuhlolisana, inkhosi yawo yavele yamcosha. Bakhuluma batsi: “Phela sitawubulawa sonkhe lapha, nakungenteka Davide abuyele enkhosini yakhe Sawula.”

2 Tikhronike 24:20

Ngako Moya waNkulunkulu wehlela kuZakhariya, umsa waJehoyada, umphristi. Wasukuma wema embikwesive watsi: “Naku lokushiwo nguNkulunkulu, utsi: ‘Aniyilaleli ngani imiyalo yaSimakadze? Ngeke niphumelele. Njengobe nimfulatsela Simakadze, naye sewunifulatsele.’ ”

Tihlabelelo 51:11

Ungangicoshi ebusweni bakho, ungangemuki Moya wakho Longcwele.

Numeri 10:3

Nakushaywa lamacilongo lamabili, sive sonkhe siyawubutsana kuwe ekungeneni kwelithende lekuhlangana.

KubaseRoma 13:14

kodvwa yembatsani iNkhosi Jesu Khristu ninganakekeli kutsi lesimo senu semtimba lesonakele ningasenelisa kanjani ngetinkhanuko taso.

KubaseGalathiya 3:27

Nine nonkhe nabhajatiselwa kuKhristu, ngako-ke senembetse Khristu.

Joshuwa 17:2

Ngako lesabelo saba salabanye besive sakaManase, lusendvo ngelusendvo: lwaka-Abiyezeri, nelwakaHeleki, nelwaka-Asriyeli, nelwakaShekhemu, nelwakaHeferi, nelwakaShemida. Leti-ke bekunguletinye titukulwane letidvuna takaManase, umsa waJosefa, lusendvo ngelusendvo.

Tikhulu 13:25

naMoya waSimakadze wacala kumnyakatisa ngesikhatsi aseMahane Dani, emkhatsini weSora ne-Eshtayoli.

Tikhulu 14:19

Ngako Moya waSimakadze wehlela kuye ngemandla lamakhulu. Wehlela kulase-Ashkeloni, wabulala emadvodza akhona aba ngema-30; wawahlubula timphahla tawo, watitsatsa, watinika laba bebacombelele siphicaphicwana sakhe. Ngaleso sikhatsi abesatfukutsele abila, wesuka wahamba wabuyela ekhaya kubo.

Tikhulu 15:14

Kwatsi asasondzela eLehi, emaFilisti eta kuSamsoni amemeta. Moya waSimakadze wehlela kuye ngemandla, kwatsi letindophi letatisetandleni takhe, tafanana netintsambo letishiswa ngumlilo, tibopho tadzilika etandleni takhe.

Tikhulu 3:10

Moya waSimakadze wehlela kuye, ngako waba sikhulu sema-Israyeli; wabahola baya emphini. Simakadze wanikela Khushani Rishathayimu, inkhosi yaseMesophothamiya, esandleni sa-Othniyeli lowamehlula.

Tikhulu 3:27

Watsi kube efike lapho, washaya licilongo eveni letintsaba laka-Efrayimu, onkhe ema-Israyeli ehla naye etintsabeni, awahola.

Tikhulu 6:11

Ingilosi yaSimakadze yeta yefika yahlala ngephansi kwesihlahla se-okhi e-Ofra leyayiyaJowashi, labewesive saka-Abiyezeri, lapho umsa wakhe, Gideyoni, abebhula khona kolo etjeni lekuhluta liwayini entela kutsi emaMidiyani angamtfoli.

Tikhulu 8:2

Kodvwa wabaphendvula watsi: “Yini nje lengiyente kahle kwendlula nine? Angitsi sivuno semagelebisi lesikhwinyitwa baka-Efrayimu sincono kakhulu kunesivuno sibili saka-Abiyezeri?

1 Samuweli 10:6

Moya waSimakadze utakwehlela etikwakho ngemandla lamakhulu, nawe uyawube sewuphrofetha kanye nabo. Uyawugucuka ube ngulomunye umuntfu.

1 Samuweli 11:6

Watsi Sawula nakakuva loko, Moya waSimakadze wehlela etikwakhe ngemandla lamakhulu, watfukutsela wabila.

1 Samuweli 13:3

Jonathani wahlasela inkambu yemaFilisti eGeba, wayehlula; emaFilisti akuva loko. Sawula wase ushaya impalampala kulo lonkhe live, atsi: “EmaHebheru akeve!”

1 Samuweli 16:14

Moya waSimakadze abesasukile kuSawula, umoya lomubi lowavela kuSimakadze wamkhatsata.