Tikhulu 6:31 - Siswati 1996 Bible

³¹ Kodvwa Jowashi waphendvula lesicumbi semadvodza lesasitfukutsele sibila simtungeletile, watsi: “Nimelele Bhali yini? Netama kumvikela yini? Wonkhe lolwela Bhali utawubulawa manje ekuseni! Nangabe Bhali ungunkulunkulu, kufanele ativikele yena, nakukhona lobhidlita lilati lakhe.”

Tikhulu 6:31 Referencias Cruzadas

1 Emakhosi 18:27

Emini Elija wacala wabaphukuta atsi: “Memetani kakhulu! Impela ungunkulunkulu. Mhlawumbe ujulile uyacabanga, nome uyasebenta, nome useluhambeni. Mhlawumbe ulele, ngako kufanele avuswe.”

1 Emakhosi 18:29

Yendlula imini, bachubeka nemadlingozi abo ekuphrofetha, kwaze kwashaya sikhatsi semhlatjelo wakusihlwa. Kodvwa kwabate imphendvulo, kute lowaphendvula, kute nalowanaka.

1 Emakhosi 18:40

Elija wakhuluma kubo, watsi: “Bambani labaphrofethi baBhali. Kungaphunyuli ngisho namunye wabo!” Babanjwa, Elija watsi abehliselwe emfudlaneni iKhishoni; babulawelwa khona lapho.

Eksodusi 23:2

Ungalilandzeli linyenti lelenta lokubi; nawenta bufakazi ecaleni, ungawephuli umtsetfo ngekuvumelana nelinyenti.

Isaya 41:23

Nome-ke nisitjele ngetintfo letitakwenteka, nisitjele kutsi likusasa liphetseni, kuze sitekwati kutsi nibonkulunkulu. Ase nente lutfo, loluhle nome lolubi, kuze sitewujabha sesabe.

Isaya 46:1

Beli uyaguca, Nebo uyakhotsama. Titfombe tabo tetfwelwe tilwane tekwetfwala. Letitfombe tabo lababetetfwala setiyasindza, tingumtfwalo kuletilwane letidziniwe.

Isaya 46:7

Basibeka emahlombe abo basetfwale, basibeke endzaweni yaso, bese siyema kuleyo ndzawo, asikwati nekutsi khushu. Nome umuntfu angamemeta kanjani kuso atikhalela, asikwati kumphendvula; singeke simsindzise umuntfu etinhluphekweni takhe.

Jeremiya 10:11

“Batjele naku: ‘Labonkulunkulu labangazange sebalibumbe lizulu nemhlaba, batawubhubha baphele emhlabeni, ngisho nangaphansi kwemazulu.’ ”

Jeremiya 10:5

Njengemlindzansimi esivandzini semajoti, letithico tabo atikwati kukhuluma, kudzingeka tize tetfwalwe, ngobe atikwati kutihambela. Ningatesabi, tingeke tinente lutfo lolubi, kantsi futsi kute naloluhle letingalwenta.”

Numeri 14:6

Joshuwa, umsa waNuni, naKhalebi, umsa waJefune, lababehambe nalamadvodza labeyewuhlola lelive, badzabula timphahla tabo,

1 kubaseKorinthe 8:4

Ngako-ke macondzana nekudla kudla lokuhlatjelwe tithico siyati kutsi: “Kute sithico lesiphilako,” nekutsi: “Nkulunkulu munye kuphela, kute lomunye.”

Kubase-Efesu 5:11

Ningahlanganyeli emisebentini yebumnyama, lete titselo, kunaloko niboyeneka ebaleni.

Tikhulu 6:30

Emadvodza alelo dolobha afuna Jowashi, atsi: “Khipha umsa wakho. Kufanele afe, ngobe ubhidlite lilati laBhali, wajuba nensika ya-Ashera eceleni kwalo.”

Tikhulu 6:32

Ngako kusukela ngalelo langa Gideyoni wetsiwa libito, kwatsiwa nguJerubhali, lokusho kutsi: “Bhali akatilwele yena,” ngobe abebhidlite lilati laBhali.

1 Samuweli 12:11

Ngako Simakadze watfumela boJerubhali; naBharaki, naJefta, naSamuweli, wanikhulula esandleni setitsa tenu, ndzawo tonkhana, naze nahlala kahle nivikelekile.