Tikhulu 6:26 - Siswati 1996 Bible

²⁶ bese wakha lilati sibili laSimakadze Nkulunkulu wakho esicongweni salendvundvuma. Sebentisa tinkhuni tensika ya-Ashera loyijubile ibe tinkhuni ekunikeleni inkunzi yesibili kutsi ibe ngumnikelo wekushiswa.”

Tikhulu 6:26 Referencias Cruzadas

2 Samuweli 24:18

Ngalelo langa Gadi waya kuDavide, wafike watsi: “Khuphuka uyekwakhela Simakadze lilati lena ebaleni lekubhulela kolo laka-Arawuna, umJebhusi.”

2 Samuweli 24:22

Arawuna wakhuluma kuDavide, watsi: “Nkhosi! Inkhosi yami ayitsatse nome yini leyitsandzako, iyinikele kuSimakadze. Nati tinkhabi tekwenta umnikelo wekushiswa, nati netihliphi tekubhula nemajoko etinkhabi kutsi abe tinkhuni.

Eksodusi 34:13

Emalati abo nibowabhidlita, nephule tinsika tawo tematje, nibhidlite konkhe kwalo-Ashera longunkulunkulukati wabo.

1 kubaseKorinthe 14:33

ngobe Nkulunkulu akasiye Nkulunkulu wetiphitsiphitsi kodvwa wekuthula. Njengobe kunjalo kuwo onkhe emabandla alabangcwele,

1 kubaseKorinthe 14:40

Kepha konkhe kwenteni kahle ngenhlelembiso.

Tikhulu 6:25

Ngabona lobo busuku Simakadze wakhuluma kuGideyoni, watsi: “Tsatsa inkunzi yesibili emhlambini wetinkhomo teyihlo, akube nguleyo leneminyaka lesikhombisa budzala. Bhidlita lilati leyihlo laBhali, ujube insika ya-Ashera leseceleni kwalo,

Tikhulu 6:27

Ngako Gideyoni watsatsa tisebenti takhe letilishumi wenta njengobe atjelwe nguSimakadze. Kodvwa ngobe abesaba umndeni wakabo kanye nemadvodza alelo dolobha, loko wakwenta ebusuku, hhayi emini.

1 Samuweli 6:14

Incola yefikela ensimini yakaJoshuwa eBhethi Shemeshi, yefika lapho yema eceleni kwalelikhulu lidvwala. Bantfu bakabha lamapulango lekwakwakhiwe ngawo lencola, banikela ngaletinkhomo, taba ngumnikelo wekushiswa kuSimakadze.