Tikhulu 6:10 - Siswati 1996 Bible

¹⁰ Ngakhuluma kini, ngatsi: “NginguSimakadze Nkulunkulu wenu; ningabakhonti bonkulunkulu bema-Amori, kulelive lawo lenihlala kulo.” Kodvwa anizange ningilalele.’ ”

Tikhulu 6:10 Referencias Cruzadas

2 Emakhosi 17:13

Simakadze abebayalile baka-Israyeli nebakaJuda ngabo bonkhe baphrofethi nebaboniswa bakhe, watsi: “Phendvukani etindleleni tenu letimbi. Nakekelani imiyalo yami netimiso tami, mayelana nawo wonkhe umtsetfo lengayala ngawo boyihlomkhulu kutsi bawulalele, nalengawetfula kini ngetinceku tami baphrofethi.”

2 Emakhosi 17:33

Babechubeka bona bamkhonte Simakadze, kodvwa babechubeka bakhonte naletithico tabo njengekwemasiko etive takubo lapho babesuswe khona.

2 Emakhosi 17:7

Konkhe loku kwenteka ngobe baka-Israyeli bona kuSimakadze Nkulunkulu wabo, labekabakhiphe eGibhithe, ngaphansi kwemandla aFaro, inkhosi yaseGibhithe. Besuka bakhonta labanye bonkulunkulu,

Nehemiya 9:29

“Wabeluleka kutsi ababuyele emtsetfweni wakho, kodvwa bona bakudvwalela, bangete bayihlonipha imiyalo yakho. Bona ngekuphambana netimiso takho lekufanele umuntfu aphile ngato nangabe atihlonipha. Bakufulatsela ngenkhani, baba netinhlitiyo letilukhuni, bala kulalela wena.

Eksodusi 34:12

Nicaphele ningenti sivumelwane nebantfu labakulelive leniya kulo, ngobe loko kungahle kube lugibe kini.

Eksodusi 34:14

“Ningamkhonti lomunye nkulunkulu, ngobe loSimakadze lobitwa ngekutsi nguSikhwele unguNkulunkulu lonesikhwele.

Taga 5:13

Angizange ngibalalele bafundzisi bami lababengifundzisa; nome-ke kube mane ngalalela bacondzisi bami.

Jeremiya 10:2

Naku lokushiwo nguSimakadze, utsi: “Ningatifundzi tindlela tebetive nome-ke netfuswe tibonakaliso letisesibhakabhakeni, nome ngabe tive tiyatfutfumela ngato.

Jeremiya 17:23

Noko abazange bangilalele, abanginakanga nekunginaka; baba nenkhani, bangete bangilalela, futsi abazange baphendvuke nome sebajeziswa.

Jeremiya 3:13

Intfo-nje, vuma licala lakho lekutsi umhlubukile Simakadze Nkulunkulu wakho, usakate kutsandza kwakho kubonkulunkulu betive ngaphansi kwato tonkhe tihlahla letendlala emagala ato, wangete wangilalela mine,’ ” kusho Simakadze.

Jeremiya 3:25

Asilale phansi ngenca yelihlazo letfu, sidliwe ngemahloni. Sonile kuSimakadze Nkulunkulu wetfu, yebo, tsine kanye nabobabe betfu; kusukela ebusheni betfu kuze kube ngulamuhla, asikamlaleli Simakadze Nkulunkulu wetfu.”

Jeremiya 42:21

Lamuhla senginitjelile, kodvwa seloku anikamlaleli Simakadze longuNkulunkulu wenu kuko konkhe langitfume kona kutsi nginitjele.

Jeremiya 43:4

Ngako Johanani, umsa waKhareya, kanye nato tonkhe tindvuna temabutfo nebantfu bonkhe abawulalelanga umyalo waSimakadze kutsi bahlale eveni lakaJuda.

Jeremiya 43:7

Ngako bangena eGibhithe ngekungamlaleli Simakadze, baze bayawufika eThaphanesi.

Jeremiya 9:13

Simakadze watsi: “Kungenca yekutsi bawufulatsele umtsetfo wami lengababekela wona; abakangilaleli, kantsi futsi abakawulandzeli umtsetfo wami.

Zefaniya 3:2

Alihloniphi muntfu, alivumi kucondziswa. Aletsembeli kuSimakadze. alisondzeli kuNkulunkulu walo.

KubaseRoma 10:16

Kodvwa liVangeli abalemukelanga bonkhe, ngobe Isaya utsi: “Nkhosi, ngubani lokholwe loko lakuve kitsi?”

KumaHebheru 5:9

kwase kutsi ngekupheleliswa kwakhe waba ngumtfombo wensindziso yaphakadze yabo bonkhe labo labamlalelako,

Joshuwa 24:15

Kodvwa nangabe kukhonta Simakadze kubonakala kungatsandzeki kini, ngako khetsani lamuhla kutsi nitawukhonta bani, nome bonkulunkulu lababekhontwa bokhokho benu ngesheya kweMfula, nome bonkulunkulu bema-Amori, akulelive lese nakhe kulo. Kodvwa mine nendlu yami sitawukhonta Simakadze.”

Tikhulu 2:2

Nani aniyikusenta sivumelwane nebantfu bakulelive, kodvwa niyakuwabhidlita emalati abo.’ Noko nine anikangilaleli. Nikwenteleni loku?

Tikhulu 6:9

Nganihlwitsa emandleni eGibhithe nasesandleni sebagcilati benu. Ngabadvungulula embikwenu, nganinika live labo.