Tikhulu 5:6 - Siswati 1996 Bible

⁶ “Ngemihla yaShamgari, umsa wa-Anathi, yebo, ngemihla yaJayeli imigwaco yayekelwa, tihambi tangenela tindledlana letijikeletako.

Tikhulu 5:6 Referencias Cruzadas

2 Tikhronike 15:5

Ngalawo malanga bekuyingoti kuhambahamba, ngobe tonkhe takhamiti talamave tatinebuyaluyalu lobukhulu.

Tihlabelelo 125:5

Kodvwa labaphambukela etindleleni tabo letimagiligombo Simakadze uyawubacosha kanye nalabenta lokubi. Kuthula akube ku-Israyeli!

Isaya 33:8

Imigwaco lemikhulu idvutjiwe, kute tihambi letikuleyo migwaco. Sivumelwane sephuliwe, bofakazi baso bayedzelelwa, kute namunye lohlonishwako.

Jeremiya 6:25

Ningaphumeli emasimini, nome-ke nihambe emigwacweni, ngobe sitsa siphetse inkemba, kuyesabeka yonkhe indzawo.

Sililo 1:4

Imigwaco leya eSiyoni iyalila, ngobe sekwabate namunye lota emikhosini yayo lemisiwe. Onkhe emasango ayo asasala anesitunge, baphristi bayo bayabubula, emantfombatana ayo ayadzabuka, isebuhlungwini lobumatima kakhulu.

Sililo 4:18

Emadvodza asibekela lugibe kuto tonkhe tinyatselo tetfu, ngaloko asikhonanga kuhamba etitaladini tetfu, kuphela kwetfu kwakusedvute, nemalanga etfu abesabaliwe, ngobe kuphela kwetfu kwase kufikile.

Levithikusi 26:22

Ngiyawunitfumelela tilwane tesiganga, tidle bantfwabenu netinkhomo tenu, nize nibe mbalwa, kangangekutsi ngisho nemigwaco yenu iyawubate bantfu.

Mikha 3:12

Ngako-ke ngenca yenu, iSiyoni iyawulinywa njengensimi, iJerusalema iyakuba yincumbi yencitsakalo, intsaba yelithempeli ibe lihlatsi.

Tikhulu 3:31

Emvakwa-Ehudi kwavela Shamgari, umsa wa-Anathi, lona lowabulala emaFilisti langema-600 ngeluphondvo lwenkhabi. Naye futsi wawakhulula ema-Israyeli.

Tikhulu 5:7

Emakhaya kwakukhala libhungane, kwaze kwavuswa mine, Debhora, ngavuka njengenina wesive sema-Israyeli.