Tikhulu 5:31 - Siswati 1996 Bible

³¹ “Yebo, Simakadze, shangatsi tonkhe titsa takho tingabhubha. Kodvwa labo labatsandza wena bangakhanya njengelilanga naliphumako ngemandla alo.” Live laba nekuthula iminyaka lengema-40.

Tikhulu 5:31 Referencias Cruzadas

2 Samuweli 18:31

Kwase kungena lomKushe, watsi: “Nkhosi yami, nkhosi, vani nati tindzaba letimnandzi! Simakadze ukukhululile lamuhla, kubo bonkhe labakuvukelako.”

2 Samuweli 18:32

Inkhosi yabuta kulomKushe, yatsi: “Unjani umfana Absalomu?” LomKushe waphendvula watsi: “Shangatsi loko lokwenteke kuye kungenteka kubo bonkhe labatitsa takho, nkhosi, nabo bonkhe labakuvukelako.”

2 Samuweli 23:4

ufanana nekukhanya kwekusa nakuphuma lilanga, lakute khona emafu; unjengekukhanya emvakwemvula lokumilisa tjani emhlabatsini.’

Tihlabelelo 19:6

Liphuma ngale kwemaphetselo elizulu, litungelete lize liyewumbamba unina; kute lokusitsakele ekushiseni kwalo.

Tihlabelelo 20:8

Labantfu bacimuleka bawe phansi, kepha tsine sima sitsi zica.

Tihlabelelo 37:6

Kulunga kwakho uyawukwenta kugcame njengekukhanya, nebucotfo bakho bukhanye njengemini.

Tihlabelelo 89:36

Intalo yakhe iyawuma kuze kube phakadze, nesihlalo sakhe sebukhosi asiyiwugucuka, siyawuma njengelilanga lelisembikwami.

Tihlabelelo 89:37

Uyawumiswa siphelane, njengenyanga, ngobe yona ingufakazi lowetsembekile losemafini.” Cabanga.

Tihlabelelo 91:14

Nkulunkulu yena utsi: “Njengobe naku ubambelele kimi ngelutsandvo, ngitamephula ngimbeke endzaweni lephakeme, ngimvikele ngobe alati libito lami.

Tihlabelelo 92:10

Kodvwa luphondvo lwami uluphakamisile njengeluphondvo lwenkhabi lengumlalandle, ungigcobe ngemafutsa lamasha.

Tihlabelelo 92:9

Ngobe nato titsa takho, tiyawubhubha; bonkhe lababi bayawusakatwa.

Tihlabelelo 97:10

Nine lenitsandza Simakadze, tondzani konkhe lokubi, ngobe uyabelusa labametsembako, abephule etandleni talababi.

Tihlabelelo 97:8

BaseSiyoni bayeva bajabule, yebo, netakhamiti takaJuda tiyatsakasa ngenca yetehlulelo takho, Simakadze.

Eksodusi 20:6

Kodvwa labangitsandzako nalabagcina imiyalo yami ngibehlisela umusa wami longapheli etinkhulungwaneni tetitukulwane netitukulwane tabo.

Taga 4:18

Kodvwa indlela yalabalungile ifanana nekukhanya kwentsatsakusa, lokuya ngekuya kuze kube ngusemini.

Danyela 12:3

Labo labahlakaniphile bayawucwebetela njengekumanyatela kwemazulu, nalabo labaholele labanye ekulungeni, bakhanye njengetinkhanyeti kuze kube nguphakadze naphakadze.

Hoseya 6:3

Asimhloniphe Simakadze, sitimisele nekumnaka. Impela, njengobe kucinisekile kutsi lilanga liphuma ekuseni, kanjalo naye uyachamuka ete kitsi njengetimvula tasebusika, nanjengetimvula tasentfwasahlobo letinisela umhlaba.”

Matewu 13:43

Lapho bantfu baNkulunkulu bayawukhanya njengelilanga embusweni weYise. “Lalelani-ke, naninendlebe yekuva.”

KubaseRoma 8:28

Siyati kutsi Nkulunkulu usebentisa konkhe kube lusito kulabo labamtsandzako, lababitwe ngekwenjongo yakhe.

1 kubaseKorinthe 8:3

Kodvwa nangabe umuntfu atsandza Nkulunkulu, yena-ke watiwa nguye Nkulunkulu.

Kubase-Efesu 6:24

Umusa awube nabo bonkhe labatsandza iNkhosi yetfu Jesu Khristu ngelutsandvo lolungapheli.

Dutheronomi 6:5

Tsandza Simakadze Nkulunkulu wakho, ngayo yonkhe inhlitiyo yakho, nangawo wonkhe umphefumulo wakho, nangawo onkhe emandla akho.

Dutheronomi 7:9

Yatini-ke kutsi Simakadze Nkulunkulu wenu unguNkulunkulu; unguNkulunkulu lowetsembekile losigcinako sivumelwane sakhe selutsandvo kuto titukulwane letitinkhulungwane kulabo labamtsandzako bagcine imiyalo yakhe,

YaJakobe 1:12

Ubusisiwe umuntfu lociniselako ekulingweni; ngobe nasaphumelele ekuvivinyweni kwakhe, uyakwemukeliswa umchele wekuphila lowetsenjiswa yiNkhosi kulabo labayitsandzako.

YaJakobe 2:5

Ase nilalele, bazalwane bami labatsandzekako! Nkulunkulu akabakhetsanga yini labaphuyile lapha emhlabeni kutsi babe ngulabacebile ekukholweni, netindlalifa embusweni lawetsembisa labo labamtsandzako?

1 yaPhetro 1:8

Niyamtsandza, nome ningazange senimbone; niyakholwa kuye nome ningakamboni, futsi nitfokota ngenjabulo lengenawuchazeka ngemavi emlomo,

Sembulo 1:16

Esandleni sakhe sangesekudla abephetse tinkhanyeti letisikhombisa, emlonyeni wakhe kuphuma inkemba leyayikhalipha tinhlangotsi totimbili, buso bakhe bumengetela njengelilanga emini.

Sembulo 18:20

Jabulani, nitfokote, nine mazulu. Jabulani nani labangcwele, nani baphostoli, nani baphrofethi; ngobe Nkulunkulu sewuyehlulele iBhabhulona, waniphindziselela kuyo!

Sembulo 6:10

Bamemeta kakhulu, ngelivi lelikhulu, batsi: “Nkhosi Somandla, longcwele naloliciniso, kuyawudzimate kube ngunini ungehluleli uphindzisele ingati yetfu kulabo labahleti emhlabeni?”

Tikhulu 3:11

Ngako live laba nekuthula iminyaka lengema-40, kwaze kwafa Othniyeli, umsa waKhenazi.

Tikhulu 3:30

Kusukela ngalelo langa emaMowabi aba ngaphansi kwesive sema-Israyeli, live laba nekuthula iminyaka lengema-80.