Tikhulu 5:30 - Siswati 1996 Bible

³⁰ ‘Kambe ngabe babutsa behlukaniselane imphango, kutsi intfombi yinye nome timbili tibe tendvodza yinye, kutsi tembatfo letimibalabala tibe taSisera, yebo, tembatfo letimibalabala naletihlotjisiwe tibe yimphango, tembatfo letihlotjiswe ngala nangale tentsamo yami, konkhe loku kube yimphango?’

Tikhulu 5:30 Referencias Cruzadas

Genesisi 37:3

Israyeli abetsandza kakhulu Josefa kunawo onkhe emadvodzana akhe, sizatfu kwakukutsi wamtala asamdzala kakhulu. Ngako-ke wamtfungela ingubo lendze leyayinemikhono lemidze kantsi futsi ihlotjisiwe.

2 Samuweli 13:18

Inceku yamkhiphela ngephandle lona lomsikati, yakhiya sivalo emvakwakhe. Thamari abembetse ingubo leyayihlotjiswe kakhulu, ngobe loluhlobo lwengubo lwalwembatfwa bantfwabenkhosi labatintfombi lababengazange balale nemuntfu lomdvuna.

Jobe 20:5

kutsi kujabula kwalababi kwesikhashana nje, nekutfokota kwalabangenaNkulunkulu kuba kwesikhashana nje.

Tihlabelelo 45:14

Imikiswa enkhosini, yembetse bukhatikhati, ihamba netintfombi letitimphekeleteli, letishuca emvakwayo, nato tiya kuyo.

Tihlabelelo 68:12

“Emakhosi etimphi ayabaleka nekubaleka.” Labasikati emakhaya bebasehlukaniselana imphango,

Eksodusi 15:9

“Sitsa satsi: ‘Ngitawubacosha ngize ngibakhandze. Ngitawutehlukanisela ngaloko lengikudle kubo, ngititike ngako; ngitawukhipha inkemba yami ngibabhubhise.’

Eksodusi 27:16

Lomnyango wesibuya kufanele ube nesivalo lesentiwe ngendvwangu yelineni lecolisakele lehlotjiswe nangensontfo leluhlata njengesibhakabhaka, nalebukhwebeletane, nalebovu ngalokutopele; kube ngumsebenti wengcweti yetekuhlobisa, bubanti balendvwangu bube ngemamitha langaba yimfica. Kufanele ihhukwe etinsikeni letine letisinyiswe emasekweni lamane.

Taga 16:19

Kuncono kuhlala nalabacindzetelwe ube phansi, kunekutsi ube nesabelo neticebi.

Isaya 9:2

Bantfu labahamba ebumnyameni bakubonile kukhanya lokukhulu; kulabo labahlala eveni lelitfunti lekufa kukhanya sekuchamukile.

Tikhulu 5:19

“Emakhosi eta, alwa; emakhosi aseKhenani alwa khona eThanaki ngasemitfonjeni yaseMegido, kodvwa abetfwalanga siliva, ngisho nemphango.

Tikhulu 5:29

Emkhatsini wemantfombatana akhe lehlakaniphe kakhulu yamphendvula. Yebo, yakhuluma kuye, yatsi: