Tikhulu 5:26 - Siswati 1996 Bible

²⁶ Sandla saJayeli sacukula sikhonkhwane selithende, sandla sakhe sangesekudla satsatsa sandvo sembati. Waphisela Sisera, wamphihlita inhloko, yebo, wamfohlota wamhlahlela enhlafunweni.

Tikhulu 5:26 Referencias Cruzadas

2 Samuweli 20:22

Lomfati wase uya kulamadvodza labenawo nalelisu lakhe lelihlakaniphile, base bajuba inhloko yaSheba, umsa waBikri, bayiphosela Jowabe basetulu elubondzeni. Ngako Jowabe wase ushaya impalampala kutsi emabutfo asale aliyekela lelidolobha. Ngulowo nalowo watibuyelela ekhaya kakhe, naJowabe wabuyela emuva eJerusalema enkhosini.

Tikhulu 4:21

Kodvwa Jayeli, umkaHebere, wesuka watsatsa sikhonkhwane selithende kanye nesandvo, wamnyonyobela ngesikhatsi asetumekile alele. Wafike wamphisela ngalesikhonkhwane enhlafunweni, saze sayawuphumela emhlabatsini; kwaba kufa kwaSisera njalo loko.

Tikhulu 5:25

Sisera wacela emanti, Jayeli wamnika lubisi ngendzebe lelungele bahlonishwa. Wamletsela lubisi lolunelulata.

Tikhulu 5:27

Sisera wacimuleka etinyaweni taJayeli, walala khona lapho. Sisera wacimuleka etinyaweni taJayeli, lapho awela khona. Ngulapho acimuleka khona, wawa, wafa.