Tikhulu 5:12 - Siswati 1996 Bible

¹² “Vuka, vuka, Debhora! Vuka, vuka uhlabele ingoma! Sukuma, Bharaki! Tfumba batfunjwa bakho, wena msa wa-Abinowami.

Tikhulu 5:12 Referencias Cruzadas

Tihlabelelo 108:2

Vukani lugitali nehabhu! Ngikunyakatisa ngivuse intsatsakusa.

Tihlabelelo 57:8

Vuka, mphefumulo wami, vuka habhu yami, nawe lugubhu lwami. Ngiyawuphaphamisa intsatsakusa.

Tihlabelelo 57:9

Ngiyawukubonga emkhatsini wetive, Simakadze, ngikudvumise emkhatsini wetive.

Tihlabelelo 68:18

Wena, Simakadze, wenyukela entsabeni lendze, watfumba labanyenti labatfunjiwe, wemukele tipho kubantfu, watemukela ngisho nakubo labamelene nawe, kuze uhlale khona wena, Simakadze.

Isaya 14:2

Tive tiyakuwatsatsa tiwamikise endzaweni yawo. Lababendlu yaka-Israyeli bayawutsatsa betive, babasebentise njengetigcili tabo letidvuna naletisikati eveni laSimakadze. Batfumbi babo bayawubenta batfunjwa babo, babuse etikwebacindzeteli babo.

Isaya 33:1

Maye kuwe, wena mbhubhisi, wena losengakabhujiswa! Maye kuwe, wena lolimbuka, wena losengakatsengiswa! Nawuyekela kubhubhisa, uyakubhujiswa nawe. Nawuyekela kutsengisa bantfu, uyakutsengiswa nawe.

Isaya 51:17

Vuka, vuka, sukuma, wena Jerusalema, wena lonatse esandleni saSimakadze indzebe yentfukutselo yakhe, wena lominyele sinatfo lesiseludziweni lesenta bantfu badzayitele.

Isaya 51:9

Vuka, vuka! Tembatsise ngemandla, wena mkhono waSimakadze; vuka, ube nguloku bewungiko kucala, njengasetitukulwaneni takadzeni. Kwakungesiwe yini lona lowacoba Rahabi waba ticucu, lowagwaza leso silwane lesikhulu nalesesabekako?

Isaya 60:1

“Vuka, Jerusalema, ukhanye njengelilanga, ngobe kukhanya kwakho kufikile. Inkhatimulo yaSimakadze iphumela etikwakho.

Jeremiya 31:26

Loku kwangenta ngavuka ngacalata ndzawo tonkhe. Butfongo bami bebumnandzi kimi.

1 kubaseKorinthe 15:34

Sangulukani; ningaphindzi none, ngobe labanye abamati Nkulunkulu. Ngikusho loko khona nitewuba nemahloni.

Kubase-Efesu 4:8

Ngaloko kutsiwa: “Watsi nakenyukela etulu, watfumba titfunjwa letinyenti; wapha bantfu tipho.”

Kubase-Efesu 5:14

ngobe konkhe lokuvetwa kukhanya kuyabonakala. Ngako-ke kutsiwa: “Phaphama, wena lolele, uvuke kulabafile, naKhristu utakukhanyisa.”

2 kuThimothi 2:26

baze basanguluke etingcondvweni tabo, baphunyule elugibeni lwaSathane, lowabagcilata kuze bente intsandvo yakhe.

Tikhulu 5:13

“Kwatsi emadvodza labesasele ehlela kubahlonishwa. Bantfu baSimakadze beta kimi, ngisho bonkhe labanemandla ekulwa.