Tikhulu 5:11 - Siswati 1996 Bible

¹¹ Lalelani emaphimbo ebahlabeleli emitfonjeni. Babonga bagambute ngetento letilungile taSimakadze, tento letilungile temabutfo akhe aka-Israyeli. Sive saSimakadze sehla, sehlela emasangweni elidolobha.

Tikhulu 5:11 Referencias Cruzadas

Genesisi 24:11

Yefika entsambama yakanekisa ngaphandle kwelidolobha, yagucisa emakamela eceleni kwesicobho, ngesikhatsi labakha ngaso emanti labasikati.

Genesisi 29:2

Watsi asahamba, adzabula imimango, wakhandza sicobho semanti situngeletwe ngimihlambi lemitsatfu yetimvu ilele eceleni kwaso. Lemihlambi yayitewunatsiswa kuso leso sicobho. Kwakunelitje lelikhulu lekwakumbonywe ngalo.

Genesisi 29:3

Yayitsi lemihlambi ingaphelela, belusi bese bayaligicita balisuse lelitje, banatsise lemihlambi, babuye balibuyisele.

Jobe 29:7

“Ngangitsi nangisondzela ngasemasangweni elidolobha, ngitsi nangitsatsa sikhundla sami enkhundleni yelidolobha,

Tihlabelelo 145:7

Bayawubalisa ngeludvumo lwakho, nangebukhulu betento takho letinhle, bahlabele ngekulunga kwakho.

Tihlabelelo 71:15

Umlomo wami uyawulandza ngekulunga kwakho, uvakalise insindziso yakho onkhe emalanga, ngobe yinyenti ngehluleka nekuyikala.

Isaya 12:3

Ngekujabula niyawukha emanti emitfonjeni yensindziso.

Isaya 28:6

Uyawuba ngumoya wemtsetfocotfo kulowo lohlalela kwehlulela, abe sisusa semandla kulabo labajikisa imphi esangweni.

Jeremiya 7:2

“Mani esangweni lendlu yaSimakadze; ushumayele umemetele nankha emavi: “ ‘Vanini livi laSimakadze, nonkhe nine sive sakaJuda leningena kulamasango kuyawukhonta Simakadze.

Sililo 5:4

Emanti lesiwanatsako kufanele siwatsenge, netinkhuni sititfola ngemali kuphela.

Sililo 5:9

Kudla kwetfu sikutfola ngekutidzela ematsambo ngenca yenkemba lesehlane.

Mikha 6:5

Sive sami, khumbulani inkhosi Bhalaki waseMowabi kutsi abefuna kwentani kini; nikhumbule nekutsi Bhalamu, umsa waBheyori, wamphendvula kanjani. Khumbulani konkhe lokwanehlela endleleni nisuka emathendeni aseShithimu niya eGilgali. Khumbulani yonkhe imisebenti yaSimakadze, khona-ke nitabe seniyabona kutsi ngatihlupha kanganani kuze nginisindzise.”

Dutheronomi 22:24

niyawubatsatsa bobabili nibayise enkhundleni yalelo dolobha, nibagcobe ngematje baze bafe. Lentfombi ifela kutsi beyingekhatsi edolobheni kodvwa ayizange imemete, ihlabe inyandzaleyo; lendvodza yona ifela kutsi idlwengule intfombi lebeseyetsenjiswe ngulenye indvodza. Niyawukukhipha kanjalo-ke lokubi lokumila emkhatsini wenu.

Dutheronomi 33:21

Watikhetsela live lelihle kakhulu, ngobe sabelo semholi sasigciniwe. Yena weta kubaholi besive, yebo, akanye nebaholi baka-Israyeli, wafeza kulunga kwaSimakadze kanye netimiso taSimakadze.”

Tikhulu 11:40

lekutsi njalo nje ngemnyaka emantfombatana langema-Israyeli ahamba emalanga lamane ayekwenta umkhosi wekukhumbula indvodzakati yaJeftha wakaGileyadi.

Tikhulu 5:8

Nabakhetsa bonkulunkulu labasha, kwefika imphi emasangweni emadolobha; kwabate lihawu nesikhali lokwabonakala kulabati-40 000 baka-Israyeli.

1 Samuweli 12:7

Nyalo-ke manini lapha, ngobe ngitawubeka embikwenu tizatfu lapha embikwaSimakadze ngato tonkhe tintfo letinhle letentiwe nguSimakadze kini naboyihlomkhulu.