Tikhulu 4:3 - Siswati 1996 Bible

³ Jabini abenetincola tensimbi letatingema-900; wabusa sive sema-Israyeli ngelulaka nangesihluku iminyaka lengema-20. Ema-Israyeli akhala acela lusito kuSimakadze.

Tikhulu 4:3 Referencias Cruzadas

Tihlabelelo 106:42

Titsa tabo tabacindzetela, batfotjiswa ngephansi kwesandla sato.

Tihlabelelo 50:15

Khala kimi ngetikhatsi tekuhlupheka, ngiyawukukhulula, bese uyangidvumisa.”

Tihlabelelo 78:34

Ngesikhatsi ababhubhisa babetiletsa kuye, baphendvuke bafunisise Nkulunkulu.

Eksodusi 2:23

Emvakweminyaka leminyenti Faro waseGibhithe wafa. Ema-Israyeli abubula ngalokugcilatwa kwawo, akhala kuNkulunkulu acela lusito. Kukhala kwawo kwenyuka kwefika kuNkulunkulu.

Dutheronomi 28:29

Kuyawutsi emini kala bha, niphumphutse indlela njengemphumphutse ebumnyameni. Aniyiwuphumelela kuko konkhe lenikwentako, imihla ngemihla niyawube nicindzetelekile, niphangwe, kubete nalonephulako.

Dutheronomi 28:33

Sive leningasati siyawufika sidle titselo nesivuno selive lenu. Aniyikuba nalutfo, kodvwa niyawucindzetelwa ngelulaka onkhe emalanga ekuphila kwenu.

Joshuwa 17:16

Sive sakaJosefa saphendvula, satsi: “Lelive letintsaba aliseneli, nemaKhenani onkhe lahlala kulelo tsafa anetincola tetinsimbi, bonkhe lababeseBhethi Shani netabelo tayo kanye nalabaseSigodzini saseJezreyeli.”

Tikhulu 1:19

Simakadze abenayo imphi yakaJuda. Yadla live letintsaba, kodvwa noko abakhonanga kucosha bantfu bakhona kulawo matsafa, ngobe bantfu bakhona babenetincola tetinsimbi.

Tikhulu 10:10

Ngako sive saka-Israyeli sase siyakhala kuSimakadze, sitsi: “Sonile kuwe, safulatsela Nkulunkulu wetfu, sayawukhonta boBhali.”

Tikhulu 10:16

Base bayabesusa bonkulunkulu betive lababesemkhatsini wabo, bakhonta Simakadze. Inhlitiyo yakhe yase iyatsintseka ngenca yekukhala kwesive sema-Israyeli.

Tikhulu 3:15

Aphindza futsi ema-Israyeli akhala kuSimakadze, wase ubapha umkhululi, Ehudi, labelancele, umsa waGera, wesive sakaBhenjamini. Ema-Israyeli amtfumela netetfulo ku-Egloni, inkhosi yakaMowabi.

Tikhulu 3:9

Kodvwa atsi ema-Israyeli nakakhala kuSimakadze, Simakadze wawavusela umkhululi lekwakungu-Othniyeli, umsa waKhenazi, umnakaboKhalebi lomncane, longuyena abasindzisa.

Tikhulu 4:13

Sisera wabutsa tincola takhe tensimbi letatingema-900 nawo onkhe emadvodza, esuka eHaroshethi Hagoyimu aze efika emfuleni iKhishoni.

Tikhulu 4:4

Debhora, umphrofethikati, umfati waLapidothi, abengumholi wema-Israyeli ngaleso sikhatsi.

Tikhulu 5:8

Nabakhetsa bonkulunkulu labasha, kwefika imphi emasangweni emadolobha; kwabate lihawu nesikhali lokwabonakala kulabati-40 000 baka-Israyeli.

Tikhulu 6:6

EmaMidiyani aphundla ema-Israyeli, adzimate ema-Israyeli akhala kuSimakadze acela lusito.

1 Samuweli 7:8

akhuluma kuSamuweli atsi: “Ungakhawuli, chubeka usikhalele kuSimakadze Nkulunkulu wetfu, khona atekusephula esandleni semaFilisti.”