Tikhulu 4:19 - Siswati 1996 Bible

¹⁹ Wakhuluma kuJayeli, watsi: “Ngomile, ngicela mane unginatsise emanti.” Wagwabula ingula yelubisi wamnatsisa, wabuye wamgubhetela.

Tikhulu 4:19 Referencias Cruzadas

Genesisi 24:43

Njengobe ngime la, eceleni kwalesicobho semanti, akutsi intfombi letewukha emanti nangitsi kuyo: “Ngicela unginatsise emantana ngalembita yakho,”

1 Emakhosi 17:10

Ngako-ke wahamba waya eSarefathi. Watsi efika nje esangweni lelidolobha, wakhandza umfelokati lapho atfota tinkhuni, wambita, wamcela watsi: “Ungangiletsela yini emanti ngendzebe kutsi ngifane nginatse?”

Isaya 41:17

“Labamphofu nalabeswele batfungatsa emanti, kodvwa kute; tilwimi tabo tomile ngenca yekweswela emanti. Kodvwa mine Simakadze ngitabevela, mine, Nkulunkulu waka-Israyeli, ngingeke ngibashiye.

Johane 4:7

Kwase kuchamuka umfati waseSamariya atekukha emanti. Jesu watsi kuye: “Ase unginatsise tsine.”

Tikhulu 4:18

Jayeli waphuma wahlangabeta Sisera, wafike watsi kuye: “Wota nkhosi yami, ngena ngekhatsi, ungesabi.” Ngako Sisera wangena ethendeni lakhe, Jayeli wambonya ngengubo yekulala.

Tikhulu 4:20

Sisera wakhuluma kulomfati, watsi: “Mani emnyango welithende; nakukhona lofikako akubute kutsi ukhona yini umuntfu lokhona lapha ngekhatsi, ubotsi: ‘Kute.’ ”

Tikhulu 5:24

“Akabusiswe kakhulu Jayeli kulabasikati, umfati waHebere, umKheni. Akabusiswe kakhulu kunabo bonkhe labasikati labahlala emathendeni.