Tikhulu 4:14 - Siswati 1996 Bible

¹⁴ Debhora wakhuluma kuBharaki, watsi: “Sukuma uhambe, lamuhla ngilo lilanga lapho Simakadze anikela Sisera esandleni sakho. Simakadze akahambi embikwakho yini?” Ngako Bharaki wehla eNtsabeni iThabori alandzelwa ngemadvodza lati-10 000.

Tikhulu 4:14 Referencias Cruzadas

Genesisi 19:14

Ngako-ke Loti waphuma waya kubakhwenyana bakhe lababetawutsatsa emadvodzakati akhe, wefike watsi: “Sheshisani siphume, ngobe Simakadze sewutayibhubhisa lendzawo.” Kepha bamtsatsa njengemuntfu lonamako nje.

Genesisi 44:4

Atsi kube aphume edolobheni asengakahambi nelibanga nje, Josefa watfumela indvuna yetisebenti takhe watsi: “Phutfuma uwalandzele lamadvodza, utsi ungawakhandza ufike uwabute utsi: ‘Nentiwa yini kubonga lokuhle ngalokubi? Seniyibeleni indzebe yesiliva yenkhosi yami?

2 Samuweli 5:24

Utawutsi ungeva tigi tekushuca kwawo lena enhla nato letihlahla tebhalisamu, usheshise ushakutele, ngobe loko kutawube kusho kutsi Simakadze sewuhambe embili kuyawubulala emabutfo emaFilisti.”

Isaya 52:12

Kodvwa ningeke nisuke ngekushesha, nome niphume njengalababalekako; ngobe Simakadze uyawuhamba embikwenu, Nkulunkulu wema-Israyeli uyawuba ngumvikeli wenu wangasemuva.

Mikha 2:13

Nkulunkulu uyawubavulela indlela yabo, abuye abahole abakhiphe ekutfunjweni kwabo. Bayawufohla, baphume emasangweni elidolobha bahambe bakhululekile. INkhosi yabo, Simakadze cobo lwakhe, uyawubahambela embili abakhiphe.

Dutheronomi 9:3

Kodvwa banini nesiciniseko lamuhla kutsi Simakadze Nkulunkulu wenu nguye lohamba embikwenu njengemlilo locotfulako. Utababhubhisa, abehlule embikwenu nibuka. Nitawubakhipha nibacedze ngekushesha, njengobe Simakadze anetsembisa.

Joshuwa 10:8

Simakadze wakhuluma kuJoshuwa, watsi: “Ungabesabi, ngibanikele esandleni sakho. Kute namunye wabo loyawukhona kumelana nawe.”

Joshuwa 7:13

“Hamba uyewungcwelisa lesive, ubatjele utsi: ‘Tingcwelisiseni nine ngekwenu, nitilungiselele likusasa,’ ngobe nguloko Simakadze Nkulunkulu wema-Israyeli lakushoko, utsi: ‘Loko lokufanele kubhujiswa kusemkhatsini wenu, sive sema-Israyeli. Ngeke nikhone kumelana netitsa tenu ningakakukhiphi.

Tikhulu 19:28

Yakhuluma kuso lesingani, yatsi: “Vuka sambe.” Kodvwa kwabate imphendvulo. Lendvodza yase isetjatsisa lapha embongolweni lesingani sayo, yangenela indlela yayo yaya kayo.

Tikhulu 4:10

lapho efike wabita boZebuloni naNaftali. Abelandzelwa ngemadvodza lati-10 000, naDebhora wahamba kanye nabo.

Tikhulu 7:9

Kubo lobo busuku Simakadze wakhuluma kuGideyoni, watsi: “Vuka, wehlele enkambu, ngobe ngitayinikela esandleni sakho.

1 Samuweli 9:26

Samuweli wavuka ekuseni ngeluvivi, wenyukela kuSawula labesendlini lesetulu, wafike watsi: “Tilungiselele, sengitakubuyisela ekhaya.” Watsi kube Sawula atilungiselele, yena naSamuweli base baphumela ngaphandle kanyekanye.