Tikhulu 3:28 - Siswati 1996 Bible

²⁸ Wakhuluma kuwo, watsi: “Landzelani mine, ngobe Simakadze unikele Mowabi, sitsa senu, etandleni tenu.” Ngako amlandzela ehla naye, atfumba onkhe ematubuko emfula iJordane lewelela kaMowabi, avimbela bonkhe labewelako.

Tikhulu 3:28 Referencias Cruzadas

1 Emakhosi 20:21

Inkhosi yaka-Israyeli yasondzela yabhubhisa lamahhashi kanye netincola, yawashaya yawabhuca emaSiriya.

Joshuwa 2:7

Ngako-ke letitfunywa tagijima, talandzela letinhloli, tehla ngemgwaco locondza ngasematubukweni eJordane. Tatsi kube tiphume, emasango avalwa.

Tikhulu 10:11

Simakadze wabaphendvula watsi: “Ngesikhatsi baseGibhithe, nema-Amori, nema-Amoni, nemaFilisti,

Tikhulu 12:5

BakaGileyadi bavimba onkhe ematubuko emfula iJordane lewelela ka-Efrayimu. Kwakutsi njalo nakukhona lophunyulile waka-Efrayimu, afike atsi: “Ngicela kwewela,” emadvodza akaGileyadi ambute atsi: “Ngekwakho uwaka-Efrayimu yini?” Nakaphendvule watsi: “Cha,”

Tikhulu 3:29

Ngaleso sikhatsi abulala emaMowabi lati-10 000 asawonkhe labenguwona acinile anemandla; kute nome munye lowasindza.

Tikhulu 4:10

lapho efike wabita boZebuloni naNaftali. Abelandzelwa ngemadvodza lati-10 000, naDebhora wahamba kanye nabo.

Tikhulu 7:14

Lomnganakhe waphendvula watsi: “Phela loko kungeke kusho lutfo ngaphandle kwenkemba yaGideyoni, umsa waJowashi, waka-Israyeli. Nkulunkulu unikele emaMidiyani nenkambu yonkhe esandleni sakhe.”

Tikhulu 7:15

Watsi kube Gideyoni eve leliphupho kanye nenchazelo, wakhotsama Nkulunkulu, wamkhonta. Wancandzeka wabuyela enkambu yaka-Israyeli, wafike wamemeta watsi: “Vukani! Simakadze unikele inkambu yemaMidiyani esandleni senu!”

Tikhulu 7:17

Wabayala watsi: “Nibobuka mine, ningilingise. Nitawutsi nangifika emnyeleni wenkambu, nente njengobe nami ngenta.

Tikhulu 7:24

Gideyoni wakhipha tigijimi kulo lonkhe live letintsaba laka-Efrayimu, watsi: “Yehlani nihlasele emaMidiyani, niyekuwavimbetela etindzaweni tonkhe temanti nasematubukweni emfula iJordane asengakefiki, nize niyewufika eBhethi Bhara.” Ngako onkhe emadvodza aka-Efrayimu amenyetwa ahamba ayawuvimba tonkhe tindzawo letatinemanti nasematubukweni emfula iJordane, kuze kuyewufika eBhethi Bhara;

Tikhulu 7:9

Kubo lobo busuku Simakadze wakhuluma kuGideyoni, watsi: “Vuka, wehlele enkambu, ngobe ngitayinikela esandleni sakho.

1 Samuweli 17:47

nekutsi bonkhe labantfu lababutsene lapha bati kutsi Simakadze akasindzisi ngenkemba nangesikhali. Ngobe imphi ngeyaSimakadze, nguye lotaninikela nonkhe etandleni tetfu.”