Tikhulu 3:11 - Siswati 1996 Bible

¹¹ Ngako live laba nekuthula iminyaka lengema-40, kwaze kwafa Othniyeli, umsa waKhenazi.

Tikhulu 3:11 Referencias Cruzadas

1 Tikhronike 4:13

Khenazi abenemadvodzana lamabili lekwakubo-Othniyeli naSeraya. Emadvodzana a-Othiniyeli bekuboHathathi, naMeyonothayi.

Nehemiya 9:28

“Kodvwa batsi kube batfole kuphumula, baphindze benta lokubi emehlweni akho. Ngako wase ubayekelela esandleni setitsa tabo letababusa. Batsi nabaphindza bakhala kuwe, wabeva ngesihawu sakho usezulwini, wawubese uyabakhulula njalo nje tikhatsi ngetikhatsi.

Esta 9:22

Lawo ngawo emalanga lapho emaJuda ativikela etitseni tawo. Leyo nyanga kwaba yinyanga leyajikiswa ekubeni yinyanga yelusizi neyengati kubo, yaba yinyanga yenjabulo neyekuphepha kwabo. Batjelwa kutsi bawahloniphe lawo malanga ngekwenta emadzili bephane tipho talokudliwako lomunye kulomunye, ngisho nakulabamphofu.

Joshuwa 11:23

Ngako Joshuwa walidla lonkhe live, konkhe kwaya njengobe Simakadze abelayele Mosi; wase uyalaba, kwaba nguleso sive wasinika sabelo saso. Live latfola kuphumula kuleto timphi.

Joshuwa 15:17

Othniyeli, umsa waKhenazi, umnakaboKhalebi, wayihlasela wayehlula; ngako-ke Khalebi wamnika indvodzakati yakhe, Akhisa, kutsi ashade nayo.

Tikhulu 3:10

Moya waSimakadze wehlela kuye, ngako waba sikhulu sema-Israyeli; wabahola baya emphini. Simakadze wanikela Khushani Rishathayimu, inkhosi yaseMesophothamiya, esandleni sa-Othniyeli lowamehlula.

Tikhulu 3:12

Aphindza futsi ema-Israyeli enta lokubi emehlweni aSimakadze; kwatsi ngobe bente lokubi, Simakadze wanika Egloni, inkhosi yakaMowabi, emandla ekubusa ema-Israyeli.

Tikhulu 3:30

Kusukela ngalelo langa emaMowabi aba ngaphansi kwesive sema-Israyeli, live laba nekuthula iminyaka lengema-80.

Tikhulu 3:9

Kodvwa atsi ema-Israyeli nakakhala kuSimakadze, Simakadze wawavusela umkhululi lekwakungu-Othniyeli, umsa waKhenazi, umnakaboKhalebi lomncane, longuyena abasindzisa.

Tikhulu 5:31

“Yebo, Simakadze, shangatsi tonkhe titsa takho tingabhubha. Kodvwa labo labatsandza wena bangakhanya njengelilanga naliphumako ngemandla alo.” Live laba nekuthula iminyaka lengema-40.

Tikhulu 8:28

Atfotjiswa kanjalo-ke emaMidiyani ngaphansi kwa-Israyeli, akazange aphindze atiphakamise. Ngesikhatsi saGideyoni ema-Israyeli aba nekuthula iminyaka lengema-40.