Tikhulu 21:5 - Siswati 1996 Bible

⁵ Baka-Israyeli babuta batsi: “Ngubani emkhatsini wato tonkhe tive taka-Israyeli longazange aye kuyawuhlangana embikwaSimakadze?” Phela bebafunge bagomela kutsi lowo longazange ete emhlanganweni embikwaSimakadze eMispa uyawubulawa nome kanjani.

Tikhulu 21:5 Referencias Cruzadas

Jeremiya 48:10

“Akacalekiswe umuntfu loyeketsisako ekwenteni umsebenti waSimakadze! Akacalekiswe umuntfu lokhweshisa inkemba yakhe ekucitseni ingati!

Tikhulu 21:1

Emadvodza abente sifungo aseseMispa, atsi: “Kute ngisho namunye loyakwendzisa indvodzakati yakhe kumuntfu wesive sakaBhenjamini.”

Tikhulu 21:18

Tsine ma-Israyeli singeke sibendzisele emadvodzakati etfu, ngobe safunga satsi: ‘Akacalekiswe lowo loyakwendzisa indvodzakati yakhe kaBhenjamini.’ ”

Tikhulu 21:6

Baka-Israyeli basidzabukela sive sakaBhenjamini, lesasingumnakabo, batsi: “Lamuhla lesinye sive sincunyiwe etiveni taka-Israyeli.

Tikhulu 5:23

“Ingilosi yaSimakadze yatsi: ‘Calekisa Merozi. Calekisa bantfu bayo kabuhlungu, ngobe abazange bete kutawusita Simakadze, yebo, kutawusita Simakadze, nakalwa nalabanemandla.’

1 Samuweli 11:7

Watsatsa tinkhabi letimbili, watijuba ticucu, watfumela ngetigijimi licatsa ngalinye kulo lonkhe laka-Israyeli, timemetela titsi: “Nguloku-ke lokutakwentiwa etinkhabini tayo yonkhe indvodza lengalandzeli boSawula naSamuweli.” Kwesabeka kwaSimakaze kwehlela kubo bonkhe bantfu, bagucuka bonkhe baba njengemuntfu munye.

1 Samuweli 14:24

Emadvodza aka-Israyeli abaselusizini ngalelo langa, ngobe Sawula abesabophe sonkhe sive ngesifungo watsi: “Akacalekiswe umuntfu lotakudla lilanga lisengakashoni, nami ngingakatiphindziseli etitseni tami!” Ngako kute nome munye lowake wanambitsa kudla kulamabutfo.