Tikhulu 20:23 - Siswati 1996 Bible

²³ Baka-Israyeli bakhuphuka bayawukhala embikwaSimakadze laze layawushona, solomane babuta kuSimakadze, batsi: “Siphindze yini sikhuphuke siyekulwa nabomnaketfu bakaBhenjamini?” Simakadze wabaphendvula watsi: “Khuphukani niyekulwa nabo.”

Tikhulu 20:23 Referencias Cruzadas

2 Samuweli 3:35

Base bayefika kutawucela Davide kutsi sale asadla kusesemini, kodvwa Davide watsatsa sifungo, watsi: “Shangatsi Nkulunkulu angangishaya ngife, nangingadla lilanga lisengakashoni!”

Hoseya 5:15

Ngiyawube sengibuyela endzaweni yami, baze balivume licala labo. Bayawufuna buso bami; baseselusizini lwabo bayawungifunisisa.”

Joshuwa 7:6

Joshuwa wadzabula tembatfo takhe, wawa ngebuso phansi embikwelibhokisi lesivumelwane saSimakadze, kwaze kwaba kusihlwa. Nebaholi baka-Israyeli benta njalo, batitsela ngelutfuli enhloko.

Joshuwa 7:7

Joshuwa watsi: “Awu! Somandla Simakadze, lesive useweteleni umfula iJordane kutsi utekusinikela etandleni tema-Amori kutsi atekusibhubhisa? Maye, kube simane seneliswa kuhlala ngale ngesheya kweJordane!

Tikhulu 1:1

Emvakwekufa kwaJoshuwa, ema-Israyeli abuta Simakadze, atsi: “Ngubani lotakwenyuka kucala ayekusilwela nemaKhenani?”

Tikhulu 20:18

Baka-Israyeli bakhuphukela eBetheli, bayawubuta kuNkulunkulu, batsi: “Ngubani kitsi lotawuphuma kucala kuyawulwa nebakaBhenjamini?” Simakadze wabaphendvula watsi: “BakaJuda labatawuphuma kucala.”

Tikhulu 20:22

Kodvwa laba baka-Israyeli bakhutsatana bodvwana; baphindza bema tinhlu ngetinhlu njengaloku babehlomile ngelilanga lekucala.

Tikhulu 20:24

Ngako baka-Israyeli basondzela kubakaBhenjamini ngelilanga lesibili.

Tikhulu 21:2

Sive sakhuphukela eBetheli, lapho safike sahlala phansi embikwaSimakadze; laze layawushona solomane simpongoloza sikhala kabuhlungu,

1 Samuweli 10:3

“Utawusuka-ke lapho uchubeke uhambe, uze ufike esihlahleni lesikhulu sem-okhi saseThabori. Utawuhlangana nemadvodza lamatsatfu lapho, akhuphukela kuNkulunkulu eBetheli. Lenye itabe iphetse emazinyane lamatsatfu etimbuti, lena lenye iphetse imikhama yetinkhwa letintsatfu, lenye iphetse sikhumbasikhwama lesigcwele liwayini.

1 Samuweli 11:4

Tatsi letigijimi natifika eGibeya kaSawula tibika ngaletincomo esiveni, sonkhe sive sakhala kakhulu, samemeta.

1 Samuweli 7:6

Batsi kube bahlanganele eMispa, bakhelela emanti, bawatsela embikwaSimakadze. Ngalona lelo langa bazila khona lapho, bavuma tono tabo, batsi: “Sonile kuSimakadze.” Samuweli wehlulela sive sema-Israyeli eMispa.