Tikhulu 20:2 - Siswati 1996 Bible

² Baholi bato tonkhe tive tema-Israyeli batsatsa tindzawo tabo enhlanganweni yesive saNkulunkulu, bekubantfu labangema-400 000, emabutfo odvwa ahlome aphelele.

Tikhulu 20:2 Referencias Cruzadas

2 Samuweli 14:13

Lomfati watsi: “Pho, wena uyenteleni intfo lenjena esiveni saNkulunkulu? Nangabe inkhosi ikhuluma kanjena, ayitilahli ngelicala yini, njengobe naku inkhosi seloku ayikayibuyisi ekhaya lendvodzana leyabaleka?

2 Samuweli 24:9

Jowabe wabikela inkhosi linani lemadvodza emphi labalwa: Ka-Israyeli abeti-800 000, imiswahla yodvwa yemadvodza leyayingabamba inkemba; kaJuda khona abeti-500 000.

2 Emakhosi 3:26

Yatsi kube inkhosi yakaMowabi ibone kutsi yehluliwe, yabe seyitsatsa emadvodza labengema-700 labehlome ngetinkemba, yetama kudzabula ekhatsi icondze enkhosini yaka-Edomu, kodvwa behluleka.

Joshuwa 22:12

sonkhe sive sema-Israyeli sahlangana ndzawonye eShilo, sayakulwa nato.

Tikhulu 20:15

Masinyane nje ngalona lelo langa bakaBhenjamini bahlanganisa emabutfo abo abati-26 000 laphuma emadolobheni awo, bahlanganiswa nalabo bebavele bahlala khona eGibeya lababengema-700, tingwazi cobo lwato.

Tikhulu 20:17

Baka-Israyeli sebabonkhe, ngaphandle kwebakaBhenjamini, babutsa emabutfo lati-400 000, tingwazi todvwana.

Tikhulu 20:3

BakaBhenjamini beva kutsi ema-Israyeli asakhuphukele eMispa. Ema-Israyeli abuta atsi: “Sitjeleni kutsi lentfo lembi kangaka yenteke kanjani.”

Tikhulu 8:10

BoZeba naSalmuna babeseKhakhori kanye nemphi yabo leyayinemadvodza labengaba ti-15 000, bonkhe lababesele emabutfweni etive tangasemphumalanga. Kwase kufe emadvodza lati-120 000, tingwazi cobo lwato.

1 Samuweli 11:8

Kwatsi Sawula nakababutsela eBhezeki, emadvodza aka-Israyeli aba ti-300 000, kwatsi bakaJuda baba ti-30 000.