Tikhulu 20:14 - Siswati 1996 Bible

¹⁴ Besuka bonkhe emadolobheni abo bayawubutsana eGibeya, kuyakulwa nema-Israyeli.

Tikhulu 20:14 Referencias Cruzadas

2 Tikhronike 13:13

Jerobowamu abesatfumele lamanye emasotja kutsi ayekuvimbetela lena ngemuva, khona kutawutsi ngesikhatsi bakaJuda basabheke ngakuye, lamasotja abe abavimbetela ngale ngemuva.

Numeri 20:20

Baphindza baka-Edomu baphendvula, batsi: “Asifuni kutsi nendlule.” Base bayaphuma baka-Edomu babesukela ngalenkhulu imphi nalenemandla.

Numeri 21:23

Kodvwa Sihoni wala kutsi bendlule badzabule live lakhe. Wahlanganisa emabutfo akhe onkhe, wawahlomisa wawavivisa awacondzise ehlane kuyawulwa nema-Israyeli. Watsi nakefika eJahasi, walwa nema-Israyeli.

Tikhulu 20:13

Ngako khiphani lawo madvodza aseGibeya lanebulwane kuze siwabulale, sikhiphe bubi esiveni sema-Israyeli.” Kodvwa bakaBhenjamini abazange sebanake nekunaka kutsi batsini labomnakabo, ema-Israyeli.

Tikhulu 20:15

Masinyane nje ngalona lelo langa bakaBhenjamini bahlanganisa emabutfo abo abati-26 000 laphuma emadolobheni awo, bahlanganiswa nalabo bebavele bahlala khona eGibeya lababengema-700, tingwazi cobo lwato.