Tikhulu 2:4 - Siswati 1996 Bible

⁴ Kwatsi kube ingilosi yaSimakadze ikhulume konkhe loku esiveni sema-Israyeli, sive sonkhe sakhala kakhulu,

Tikhulu 2:4 Referencias Cruzadas

Ezra 10:1

Watsi Ezra asathandaza, avuma tono akhala, atijika phansi embikwendlu yaNkulunkulu, sicumbi lesikhulu sema-Israyeli, emadvodza, nebafati kanye nebantfwana sabutsana kuye samtungeleta. Naso sasikhala kakhulukati.

Taga 17:10

Umuntfu lohlakaniphile ufundza kancono ngekwekhutwa kanye; kantsi umuntfu losilima akafundzi lutfo nome asashaywe imivimba lelikhulu.

Jeremiya 31:9

Bayawuta bakhala; bayawuthandaza ngisababuyisela emuva. Ngiyawubaholela ngasemifuleni yemanti endleleni lebekile, lapho bangeyiwukhubatela khona, ngobe mine nginguyise wa-Israyeli, Efrayimu uyindvodzana yami yematubulo.

Joweli 2:12

Simakadze uyakhuluma utsi: “Namanje phendvukani, nibuye kimi ngenhlitiyo yenu yonkhe, ngekuzila, nangekukhala kanye nangekulila.”

Zakhariya 12:10

“Ngiyawutfululela etikwendlu yakaDavide nasetikwabo bonkhe labahlala eJerusalema Moya wemusa newekuncusa. Bayakumbuka lowo lebamgwaza, bese bayamlilela njenganakulilelwa umntfwana lotelwe waba yedvwa kabo, bamdzabukele kakhulu, njengemuntfu nakadzabukela indvodzana yematubulo.

Lukha 6:21

Nibusisiwe nine lenilambile manje, ngobe niyakwesutsiswa. Nibusisiwe nine lenikhalako manje, ngobe niyawujatjuliswa.

Lukha 7:38

wafike wema emvakwaJesu, ngasetinyaweni takhe akhala, taze tinyawo taJesu taba manti tinyembeti. Watesula ngetinwele takhe lomfati, watanga, watitsela ngemakha.

2 kubaseKorinthe 7:10

Kudzabuka lokukwaNkulunkulu kuveta kuphendvuka kube kusindziswa, kubete kutisola ngako; kodvwa kudzabuka lokukwemhlaba kuveta kufa.

YaJakobe 4:9

Khatsatekani, nidzabuke, nilile; kuhleka kwenu akugucuke kube kulila, nekujabula kwenu akube kujabha.

Tikhulu 2:3

Manje-ke ngiyanitjela ngitsi ngingeke ngisaticosha letive embikwenu. Setiyawuba ngemanyeva emihlubulweni yenu, nabonkulunkulu bato sebayawuba lugibe kini.”

Tikhulu 2:5

saze setsa leyo ndzawo satsi yiBhokhimu. Ngulapho-ke lapho banikela khona ngemihlatjelo kuSimakadze.

1 Samuweli 11:4

Tatsi letigijimi natifika eGibeya kaSawula tibika ngaletincomo esiveni, sonkhe sive sakhala kakhulu, samemeta.

1 Samuweli 7:6

Batsi kube bahlanganele eMispa, bakhelela emanti, bawatsela embikwaSimakadze. Ngalona lelo langa bazila khona lapho, bavuma tono tabo, batsi: “Sonile kuSimakadze.” Samuweli wehlulela sive sema-Israyeli eMispa.