Tikhulu 2:11 - Siswati 1996 Bible

¹¹ Ngako sive sema-Israyeli senta lokubi emehlweni aSimakadze; sakhonta boBhali.

Tikhulu 2:11 Referencias Cruzadas

Genesisi 13:13

Kepha bantfu baseSodoma babekhohlakele, bona kakhulu kuSimakadze.

Genesisi 38:7

Kodvwa Era, litubulo laJuda, watiphatsa kabi embikwaSimakadze. Ngako-ke Simakadze wambulala.

1 Emakhosi 11:5

Walandzela bo-Ashtarothe, sithicokati semaSidoni, naMoloki, sithico sema-Amoni lesasisinengiso.

1 Emakhosi 18:18

Elija waphendvula watsi: “Kute lengimhluphe ngako Israyeli, kodvwa nguwe nemndeni weyihlo. Uyiyekele imiyalo yaSimakadze, wabe sewulandzela boBhali.

1 Emakhosi 22:53

Wakhonta Bhali, wakhotsama kuye, ngaleyo ndlela wacunula Simakadze Nkulunkulu wema-Israyeli, wamtfukutselisa. Ahaziya walingisa uyise.

2 Tikhronike 28:2

Wahamba etinyatselweni temakhosi aka-Israyeli, naye wabumba netitfombe tekukhontela boBhali.

2 Tikhronike 28:3

Watfuncisa imphepho eSigodzini sakaBheni Hinomu, wanikela ngemadvodzana akhe kutsi ashiswe ngemlilo; alandzela imikhuba lesinengiso yaletive takhona Simakadze labeticoshe ngesikhatsi nakufika ema-Israyeli.

2 Tikhronike 33:6

Wanikela ngemadvodzana akhe kutsi ashiswe emlilweni eSigodzini sakaBheni Hinomu, wangenela bungoma, nemilingo, nebutsakatsi, watihlanganisa nalabanemadloti nalabaphengulako. Wenta lokubi kakhulu emehlweni aSimakadze, wamtfukutselisa.

Ezra 8:12

Wetitukulwane taka-Azgadi bekunguJohanani, umsa waHakhatani, lowabhaliswa kanye nemadvodza lali-110.

Nehemiya 9:26

“Kodvwa abazange bakulalele, esikhundleni saloko bakuhlubuka, umtsetfo wakho bawufulatsela. Babulala baphrofethi bakho labebabayala kutsi babuyele kuwe; benta tinhlamba letesabeka kabi kakhulu.

Tihlabelelo 78:56

Noko bamlinga bamhlubuka Nkulunkulu Losetikwako Konkhe, bangete bayigcina imiyalo yakhe.

Jeremiya 11:10

Babuyela etonweni tabokhokho babo, labala kulalela emavi ami. Balandzele labanye bonkulunkulu, bakhonta bona. Indlu yaka-Israyeli nendlu yakaJuda, totimbili tisephulile sivumelwane lengasenta nabokhokho bato.

Jeremiya 16:11

Ubobe sewuyabatjela utsi: ‘Kungobe boyihlo bangilahla balandzela labanye bonkulunkulu, babasebentela, babakhonta. Bangifulatsela mine, bangete bawugcina umtsetfo wami, kusho Simakadze.

Jeremiya 2:20

“Lijoko lakho walephula, lokwa kadzeni, watidzabula tibopho takho, watsi: ‘Ngingeke ngikukhonte!’ Ngempela, kuwo onkhe emagcuma laphakeme nangaphansi kwato tonkhe tihlahla letendlala emagala ato, walala phansi, walala njengengwababane.

Jeremiya 2:23

“Ungasho kanjani-ke utsi: ‘Angikangcoliswa, angikabalandzeli boBhali’? Ase ubuke kutsi watiphatsa njani esihosheni, cabangisisa ngaloko lokwentile. Ulikamela lelisikati leligijima kakhulu, leligijima lapha nalapha,

Jeremiya 32:23

Beta kulo bafike bangena balidla lelive; kodvwa abazange bakulalele wena nome bawulandzele umtsetfo wakho. Abazange bakwente loko wawubayale ngako kutsi bakwente. Ngako wase wehlisela etikwabo yonkhe lenhlekelele.

Jeremiya 9:14

Esikhundleni saloko, balandzele inkhani yetinhlitiyo tabo, balandzela boBhali, njengemfundziso yaboyise.”

Numeri 25:3

Ngako sive sema-Israyeli sahlanganyela ekukhonteni Bhali wasePheyori. Lulaka lwaSimakadze lwabavutsela.

Dutheronomi 31:16

Simakadze wakhuluma kuMosi, watsi: “Wena sewutawuhamba uyewuphumula nabokhokho bakho, emvakwekufa kwakho lesive siyawugwadla nabonkulunkulu betive takulelo live lesiyawungena kulo. Siyawungishiya, sephule nesivumelwane lengasenta naso.

Dutheronomi 4:25

“Nase nitelene nandza naba nebantfwana kanye nebantfwana bebantfwabenu, senihleti sikhatsi lesidze kulelo live, ningacali nome ngekutentela tithico nome taluphi luhlobo. Loko kuyawuba kubi emehlweni aSimakadze Nkulunkulu wenu, kumente atfukutsele.

Tikhulu 10:10

Ngako sive saka-Israyeli sase siyakhala kuSimakadze, sitsi: “Sonile kuwe, safulatsela Nkulunkulu wetfu, sayawukhonta boBhali.”

Tikhulu 10:6

Baka-Israyeli baphindza benta lokubi emehlweni aSimakadze. Bakhonta boBhali, nabo-Ashtarothe, nabonkulunkulu base-Aramu, nabonkulunkulu baseSidoni, nabonkulunkulu baseMowabi, nabonkulunkulu bema-Amoni, nabonkulunkulu bemaFilisti. Baka-Israyeli bafulatsela Simakadze, bamyekela, bangabe basamkhonta,

Tikhulu 13:1

Baka-Israyeli baphindza benta lokubi emehlweni aSimakadze; ngako Simakadze wabanikela esandleni sema-Filisti iminyaka lengema-40.

Tikhulu 3:12

Aphindza futsi ema-Israyeli enta lokubi emehlweni aSimakadze; kwatsi ngobe bente lokubi, Simakadze wanika Egloni, inkhosi yakaMowabi, emandla ekubusa ema-Israyeli.

Tikhulu 3:7

Ema-Israyeli enta lokubi embikwaSimakadze; akhohlwa Simakadze Nkulunkulu wawo, akhonta boBhali nabo-Ashera.

Tikhulu 4:1

Emvakwekufa kwa-Ehudi, ema-Israyeli aphindza enta lokubi emehlweni aSimakadze.

Tikhulu 6:1

Sive sema-Israyeli saphindza futsi senta lokubi emehlweni aSimakadze, ngako Simakadze wabayekelela esandleni semaMidiyani iminyaka lesikhombisa.

Tikhulu 6:25

Ngabona lobo busuku Simakadze wakhuluma kuGideyoni, watsi: “Tsatsa inkunzi yesibili emhlambini wetinkhomo teyihlo, akube nguleyo leneminyaka lesikhombisa budzala. Bhidlita lilati leyihlo laBhali, ujube insika ya-Ashera leseceleni kwalo,

Tikhulu 8:33

Wenelela kufa nje Gideyoni, ema-Israyeli aphindze abuyela kuboBhali, aphinga nabo ngekubakhonta. Atimisela Bhali Bherithi, atsi ngunkulunkulu wawo,

1 Samuweli 12:10

Bakhala kuSimakadze batsi: ‘Sonile; simkhohliwe Simakadze, sakhonta boBhali nabo-Ashtarothe. Kodvwa manje sicela usikhulule esandleni setitsa tetfu, sesitawukhonta wena.’

1 Samuweli 7:3

Samuweli wakhuluma esiveni sonkhe saka-Israyeli, watsi: “Naniphendvukela kuSimakadze ngayo yonkhe inhlitiyo yenu, kufanele nitisuse tonkhe letithico tebetive kanye nabo-Ashtarothe benu, bese nitinikela kuSimakadze nikhonte yena yedvwa, yena-ke utawube sewuyanikhulula esandleni semaFilisti.”

1 Samuweli 7:4

Ngako ema-Israyeli abalahla boBhali bawo kanye nabo-Ashtarothe bawo, ase akhonta Simakadze yena yedvwa.