Tikhulu 18:29 - Siswati 1996 Bible

²⁹ Baletsa libito batsi yiDani, baletsa ngeyisemkhulu labenguDani, umsa wa-Israyeli. Noko ngaphambili lelidolobha lalatiwa ngekutsi yiLayishi.

Tikhulu 18:29 Referencias Cruzadas

Genesisi 14:14

Abrama watsi kube eve kutsi umntfwanemnakabo bamtfumbile, wabutsa emadvodza labetalelwe ekhaya lakhe labececeshelwe timphi. Asawonkhe abesangema-318. Abrama nalamadvodza wacosha lamakhosi lamane wadzimate wawefikisa ngakaDani.

Genesisi 30:6

Rakheli watsi: “Nkulunkulu ungehlulele, waliva nelivi lami, wangipha indvodzana.” Ngako-ke wayetsa libito layo watsi nguDani.

Genesisi 32:28

Lendvodza yatsi: “Libito lakho lingeke lisaba nguJakobe, kodvwa sewutawuba ngu-Israyeli, ngobe ubambene naNkulunkulu nebantfu, wajinge wancoba.”

2 Samuweli 17:11

“Ngako mine ngikweluleka ngitsi: Onkhe ema-Israyeli kusukela kaDani kuze kuyewuphuma eBherisheba, ngebunyenti bawo angangesihlabatsi saselwandle, akabutselwe lapha kuwe, wena cobo lwakho uwahole niye emphini.

1 Emakhosi 15:20

Bheni Hadadi wayivumela inkhosi Asa, watfumela tindvuna takhe temabutfo kutsi tiyewuhlasela emadolobha aka-Israyeli. Watfumba i-Ijoni, neDani, na-Abela Bhethi Makha, kanye nayo yonkhe iKhinerethi kanye nalo lonkhe lakaNaftali.

Jeremiya 8:16

Kuthimula kwemahhashi etitsa kuyevakala kuvela kulakaDani, kukhala kwetinjomane tabo kutfutfumelisa lonkhe live. Tifikele kutawushwabudzela live nako konkhe lokukulo, lidolobha kanye nabo bonkhe labahlala kulo.”

Dutheronomi 34:1

Mosi wesuka ematsafeni akaMowabi, wekhwela iNtsaba iNebo, waya esicongweni sasePhisga macondzana neJerikho. Simakadze wamkhombisa lonkhe live: kusukela kulakaGileyadi kuze kufike kulakaDani,

Joshuwa 19:47

Kodvwa sive sakaDani saba nenkinga kutsi silidle lelive laso, ngako senyuka sayakuhlasela iLeshemu, sayidla, sayicedza ngenkemba, sayitfumba. Sahlala eLeshemu sase siyetsa libito ngakhokho waso satsi yiDani.

Tikhulu 18:7

Ngako lamadvodza lasihlanu ahamba aze efika kulaseLayishi, lapho efika akhandza kutsi bantfu bakhona baphila kahle nangekuphepha, njengebaseSidoni, babengasoli lutfo futsi bavikelekile. Njengobe-ke lelive labo lalingesweli lutfo, babesive lesiphumelelako. Babehlala khashane kakhulu nebaseSidoni, bangenabo ngisho lobuncane budlelwane nalabanye bantfu.

Tikhulu 20:1

Ngako sonkhe sive sema-Israyeli kusukela kaDani kuze kuyewufika eBherisheba, nekusukela kulakaGileyadi babophana baba ngumuntfu munye, bashulungana bayawubutsana eMispa embikwaSimakadze.