Tikhulu 18:19 - Siswati 1996 Bible

¹⁹ Bamphendvula batsi: “Thula! Ungakhulumi lutfo. Buya lapha kitsi utewuba ngubabe wetfu nemphristi wetfu. Akuncono yini kuwe kutsi utewukhonta sive lesilusendvo lwesive sema-Israyeli ube ngumphristi, kunekutsi ukhonte likhaya lendvodza yinye?”

Tikhulu 18:19 Referencias Cruzadas

2 Emakhosi 13:14

Ngaleso sikhatsi Elisha abegula aphetfwe sifo lesagcina sendlule naye, simbulele. Jehoyashi, inkhosi yaka-Israyeli, wehla wayakumhlola, wafike wamtsela ngetinyembeti, watsi: “Babe wami! Babe wami! Incola yaka-Israyeli nebagibeli bakhe bemahhashi!”

2 Emakhosi 6:21

Inkhosi yema-Israyeli yatsi nayikubona loko, yabuta Elisha yatsi: “Babe, ngibabulale yini? Ngibabulale?”

Jobe 21:5

Bukani mine nimangale, nibambe wangentasi.

Jobe 29:9

emadvodza lasembili angete akhuluma ambonye imilomo yawo ngetandla tawo,

Taga 30:32

Nangabe wente bulima watiphakamisa nome wacabanga kwenta lokubi, sale sewuyekela.

Mikha 7:16

Tive tiyawukubona loku, bese tiyagongonyeka, ngobe beticabanga kutsi tinemandla onkhe. Tiyawuvala imilomo yato, timbonye netindlebe tato ngenca yekujabha.

Matewu 23:9

Ningabiti muntfu emhlabeni ngekutsi: ‘Babe,’ ngobe munye uYihlo losezulwini.

Tikhulu 17:10

Mikha watsi kuyo: “Hlala lapha kami, utawuba ngubabe kimi nemphristi wami, ngitakunika isiliva lengemagremu langaba li-110 ngemnyaka, ngikunike nekwekwembatsa kwakho nekudla kwakho.”

Tikhulu 18:18

Kwatsi ngalesikhatsi lamadvodza angena lapha kaMikha, atsatsa lesitfombe lesibatiwe, nalesidziya sebaphristi, nalabonkulunkulu bemindeni kanye nalesithico lesibunjiwe, lomphristi wawabuta watsi: “Nentani?”

Tikhulu 18:20

Ngako lomphristi wase uyajabula. Watsatsa lesidziya sakhe, nalabonkulunkulu bemindeni nalesitfombe lesibatiwe, wahamba nalesive sakaDani.