Tikhulu 17:3 - Siswati 1996 Bible

³ Lendvodza yatsi nayibuyisela lesiliva lengemakhilogremu labengaba li-13 kunina, yena watsi: “Ngicinisile lesiliva ngiyehlukanisela Simakadze ngenca yendvodzana yami, kuze kutekwentiwa sitfombe lesibatiwe nesithico lesibunjiwe. Ngitayibuyisela kuwe.”

Tikhulu 17:3 Referencias Cruzadas

2 Tikhronike 33:7

Watsatsa lesithico labesasibatile wasingenisa ethempelini laNkulunkulu, lelo Nkulunkulu labekhulume ngalo kuDavide nakuSolomoni, umsa wakhe, watsi: “Kulelithempeli naseJerusalema lengiyikhetse emkhatsini wato tonkhe tive tema-Israyeli ngitawubeka Libito lami kuyo phakadze naphakadze.

Eksodusi 20:23

Ningatenteli tithico tesiliva nome tegolide ningibhice nato, bese nikhonta tona njengobe nikhonta mine.

Eksodusi 20:4

“Ungatenteli sithico, nome umfanekiso walokusezulwini etulu, nome walokusemhlabeni phansi nome walokusemantini ngaphansi kwemhlaba.

Eksodusi 34:17

“Ningatenteli bonkulunkulu lababatwe ngensimbi.

Isaya 30:22

Niyawube seniyatedzelela letithico tenu letembeswe ngesiliva, naletitfombe tenu letimbonywe ngegolide, niyakutilahla khashane, kube shangatsi tidvwedvwe letingcolile, nitsi kuto: “Sukani la.”

Isaya 66:3

Batikhetsele tindlela tabo: Lowo lonikela ngemhlatjelo wenkunzi ufanana nemuntfu lobulala indvodza, nalowo lonikela ngelizinyane lemvu ufanana nemuntfu lowephula intsamo yenja. Lowo lowenta umnikelo walokutinhlavu ufanana nemuntfu lonikela ngengati yengulube, nalowo lotfuncisa imphepho yesikhumbuto ufanana nemuntfu lokhonta sithico. Imiphefumulo yabo iyatijabulisa kuleto tinengiso tabo.

Jeremiya 10:8

Tonkhe atinangcondvo tetfwele bulima, tifundziswa tithico letingenamsebenti tetigodvo.

Levithikusi 19:4

“ ‘Ningagucuki bese nikhonta tithico nome nitentele bonkulunkulu lababunjwe ngensimbi. NginguSimakadze, Nkulunkulu wenu.

Johane 16:2

Bayakunincuma emasinagogeni. Yebo, sikhatsi siyeta, lapho bayawunibulala, bacabange kutsi basebentela Nkulunkulu.

Dutheronomi 12:3

Niyakuwadzilita emalati ato, nibhidlite tinsikamatje tato letitsi tingcwele, nishise naletinsika ta-Ashera wabo ngemlilo, nigawule naletithico tato, nesule emabito ato kuleto tindzawo.

Dutheronomi 27:15

“ ‘Ucalekisiwe umuntfu lobata sitfombe nome ente sithico, intfo lesinengiso kuSimakadze, umsebenti wengcweti yetekubata ngetandla, akubeke ngasense endzaweni lesitsekile.’ “Bonkhe bantfu bayawuphendvula batsi: ‘Amen.’

Tikhulu 17:13

Mikha wakhuluma yedvwa watsi: “Manje sengiyati kutsi Simakadze utaba nemusa kimi, njengobe lomLevi asangumphristi wami nje.”

Tikhulu 17:2

yakhuluma kunina yatsi: “Lesiliva lengemakhilogremu langaba li-13 leyayitsatfwe kuwe, lengakuva ukhipha ticalekiso ngayo, ngimi lowayitsatsa, ilapha kimi.” Unina wakhuluma kuyo, watsi: “Simakadze akakubusise, ndvodzana yami.”

Tikhulu 17:4

Ngako lendvodza yayibuyisela lesiliva kunina, unina watsatsa emakhilogremu langaba mabili nesigamu esiliva wawaniketela kumbumbi wetinsimbi, lowabumba wenta ngayo sitfombe nesithico. Kwatsatfwa, kwafakwa endlini kaMikha.

Tikhulu 18:30

Ngulapho-ke lapho bakaDani bafike batimisela khona letithico tabo. BoJonathani, umsa waGeshomu, labetalwa nguMosi, kanye nemadvodzana akhe babebaphristi besive sakaDani, kwaze kwaba sikhatsi sekutfunjwa kwelive.

Tikhulu 18:5

Lamadvodza atsi kuye: “Sicela mane usibutele kuNkulunkulu kutsi kungabe luhambo lwetfu lutawuphumelela kahle yini.”