Tikhulu 17:10 - Siswati 1996 Bible

¹⁰ Mikha watsi kuyo: “Hlala lapha kami, utawuba ngubabe kimi nemphristi wami, ngitakunika isiliva lengemagremu langaba li-110 ngemnyaka, ngikunike nekwekwembatsa kwakho nekudla kwakho.”

Tikhulu 17:10 Referencias Cruzadas

Genesisi 45:8

“Ngako-ke, akusini lenangitfumela la, kodvwa nguNkulunkulu. Sewungente ngaba nguyise waFaro, nenkhosi yendlu yakhe, nembusi etikwelive lonkhe laseGibhithe.

2 Emakhosi 13:14

Ngaleso sikhatsi Elisha abegula aphetfwe sifo lesagcina sendlule naye, simbulele. Jehoyashi, inkhosi yaka-Israyeli, wehla wayakumhlola, wafike wamtsela ngetinyembeti, watsi: “Babe wami! Babe wami! Incola yaka-Israyeli nebagibeli bakhe bemahhashi!”

2 Emakhosi 2:12

Elisha wakubona loko wakhala, amemeta, watsi: “Babe wami! Babe wami! Incola yaka-Israyeli nebagibeli bakhe bemahhashi!” Elisha akazange aphindze ambone futsi. Ngenca yekudzabuka kwakhe Elisha watsatsa lesembatfo sakhe wasidzabula, saba ticephu letimbili.

2 Emakhosi 6:21

Inkhosi yema-Israyeli yatsi nayikubona loko, yabuta Elisha yatsi: “Babe, ngibabulale yini? Ngibabulale?”

Jobe 29:16

Nganginguyise walabeswele, ngangiyitsatsela etulu ngiyihlolisise indzaba yalosihambi eveni.

Isaya 22:21

Ngiyakumembatsisa ngemjiva wakho, ngimbophe ngelibhande lakho; emandla nemagunya akho ngiwanike yena. Uyawuba nguyise walabo labahlala eJerusalema nakubendlu yakaJuda.

Hezekeli 13:19

Nine ningihlambalatile emkhatsini wesive sami, ngobe nicondze kutfola emabinta lambalwa nje ebhali netingebhuta letimbalwa tesinkhwa. Ngekukhuluma emanga esiveni sami, lesilalela emanga, nibabulele labo lebekufanele bangafi, nasindzisa lebekufanele bafe.

Matewu 26:15

Wafike watsi: “Nitanginikani nanginganiniketa loJesu?” Base bamnika tinhlavu tesiliva letingema-30.

Johane 12:6

Abesho loku, hhayi ngobe abevelana netimphuya kodvwa ngobe abelisela, angumgcinisikhwama, eba loko bekufakwa esikhwameni.

1 kuThimothi 6:10

Phela kutsandza imali kuyimphandze yako konkhe lokubi; labanye-ke ngekuyifisa kwabo bedukile, bakhwesha ekukholweni, batigwaza ngeminjunju yebuhlungu leminyenti.

1 yaPhetro 5:2

Yelusani umhlambi waNkulunkulu leniwuphetse, hhayi ngekucindzetelwa, kodvwa ngenhlitiyo levumako njengobe Nkulunkulu atsandza kutsi nente, hhayi ngekunaka inkhokhelo nje, kodvwa ngenshisekelo yekukhonta.

Tikhulu 17:11

Ngako lomLevi wavuma kuhlala kalendvodza; lensizwa yaba njengalenye yemadvodzana ayo lendvodza.

Tikhulu 17:9

Mikha wayibuta watsi: “Ulichamukisaphi?” Lensizwa yaphendvula yatsi: “NgingumLevi waseBhetlehema kulakaJuda. Ngifuna indzawo yekuhlala.”

Tikhulu 18:4

Lensizwa yase ibatjela konkhe lokwentiwa nguMikha kuyo, yatsi: “Ungicashile, sengingumphristi wakhe.”

1 Samuweli 2:36

Bonkhe bendlu yakenu labayawube basele bayawuta bakhotsame embikwakhe, bakhotsamele inhlavana yesiliva nelucetwana lwesinkhwa, batincengele, batsi: “Ngicela mane ungivumele ngisite baphristi, kumbe ngingamane ngitfole lucetwana lwesinkhwa.” ’ ”