Tikhulu 17:1 - Siswati 1996 Bible

¹ Kwakukhona indvodza lekwakutsiwa nguMikha, libito layo; yayiyaseveni letintsaba kulaka-Efrayimu,

Tikhulu 17:1 Referencias Cruzadas

1 Emakhosi 4:8

Lawa-ke ngemabito ato letikhulu: Bheni Huri abesikhulu saseveni letintsaba, kulaka-Efrayimu.

Joshuwa 15:9

Kusuka esicongweni saleligcuma umnyele wawuhamba ucondze ngasemtfonjeni wemanti aseNefithowa, uphumele emadolobheni eNtsaba i-Efroni, wewuke ucondze eBhala, lekuyiKhiriyathi Jeyarimu.

Joshuwa 21:21

Eveni letintsaba kulaka-Efrayimu anikwa iShekhemu, lidolobha lekukhosela kwalowo lonelicala lekubulala, neGezeri,

Joshuwa 24:30

Bamngcwaba eveni lekulifa lakhe, eThimnathi Sera eveni letintsaba kulaka-Efrayimu, enyakatfo neNtsaba iGashi.

Tikhulu 10:1

Emvakwekufa kwa-Abimeleki kwavela indvodza yelusendvo lwaka-Isakhari lekwakutsiwa nguThola, umsa waPhuwa, labetalwa nguDodo. Yawasindzisa ema-Israyeli. Abehlala eShamiri, eveni letintsaba kulaka-Efrayimu.

Tikhulu 16:31

BomnakaboSamsoni nayo yonkhe indlu yakubo behla bayawumlandza. Babuya naye, bamngcwaba emkhatsini waseSora nase-Eshtayoli, ethuneni laManowa, uyise. Samsoni abesahole sive sema-Israyeli iminyaka lengema-20.

Tikhulu 17:2

yakhuluma kunina yatsi: “Lesiliva lengemakhilogremu langaba li-13 leyayitsatfwe kuwe, lengakuva ukhipha ticalekiso ngayo, ngimi lowayitsatsa, ilapha kimi.” Unina wakhuluma kuyo, watsi: “Simakadze akakubusise, ndvodzana yami.”

Tikhulu 18:13

Besuka lapho bashuca baze befika eveni letintsaba kulaka-Efrayimu, bafikela kaMikha.

Tikhulu 18:2

Ngako sive sakaDani satfumela tingwazi letisihlanu, tisuka eSora nase-Eshtayoli, kutsi tiyewuhlola live tilitfungatse. Letingwazi tatimelele tonkhe tinsendvo tato. Bakubo batitjela batsi: “Hambani niyewuhlola lelive, nilitfungulute lonkhe.” Lamadvodza alingenela live letintsaba laka-Efrayimu, aze efika ekhaya kaMikha, lapho efika alala khona.

Tikhulu 3:27

Watsi kube efike lapho, washaya licilongo eveni letintsaba laka-Efrayimu, onkhe ema-Israyeli ehla naye etintsabeni, awahola.