Tikhulu 16:20 - Siswati 1996 Bible

²⁰ Delila wase uyamemeta, watsi: “Samsoni, nankha emaFilisti asasetikwakho!” Wavuka ebutfongweni bakhe, acabanga atsi: “Ngitawuphumelela njengasemihleni, ngiphunyuke.” Noko bekangati kutsi Simakadze bese amshiyile.

Tikhulu 16:20 Referencias Cruzadas

2 Tikhronike 15:2

Wahamba waya kuyawuhlangana nenkhosi Asa, wafike kuye watsi: “Lalela lapha kimi, nkhosi Asa, nani nonkhe nine bakaJuda nebakaBhenjamini. Simakadze unani, uma ninaye. Nanimfuna, nitamtfola, kodvwa nanimlahla, naye uyakunilahla.

Isaya 42:24

Ngubani lowanikela Jakobe kutsi abe yimphango, wanikela Israyeli kubaphangi? Kwakungesiye yini Simakadze lesone kuye? Ngobe abazange bahambe ngetindlela takhe, abazange bawulalele umtsetfo wakhe.

Hoseya 7:9

Betive bamunya emandla akhe, kodvwa yena akakuboni loko. Timvu setiyacatsatela enhloko yakhe, kodvwa yena akakunaki loko.

Numeri 14:9

Musani kuhlubuka Simakadze, futsi ningabesabi nalabantfu balelive, ngobe sitabagwinya. Sivikelo sabo sesihambile, kodvwa Simakadze unatsi. Ningabesabi.”

Matewu 17:16

Ngiyiletse kubafundzi bakho, kodvwa behluleka kuyiphilisa.”

Matewu 17:20

Jesu wabaphendvula watsi: “Kwentiwe kutsi nine ninekukholwa lokuncane, ngobe ngicinisile, ngitsi kini: Naningaba nekukholwa lokuncane lokungangenhlavu yendlulamitsi, ningatsi kulentsaba: ‘Suka la, uye lapha,’ ivele isuke. Kute lokungete kwenteka kini. [

2 kubaseKorinthe 3:5

Akusho noko kwekutsi sinemandla ekwenta lutfo ngekwetfu; kute lokuphuma kitsi, kepha emandla etfu avela kuNkulunkulu,

Dutheronomi 32:30

Kodvwa indvodza yinye ingawacosha kanjani emadvodza layinkhulungwane, nome-ke lamabili acoshe emadvodza latinkhulungwane letilishumi, ngaphandle kwekutsi Lidvwala labo libatsengisile, ngaphandle kwekutsi Simakadze ubanikele kubo?

Joshuwa 7:12

Nguko nje baka-Israyeli bangeke bakhone kumelana netitsa tabo; bayafulatsela babaleke, ngobe vele bona sebacalekisiwe. Angisayikuphindza ngibe nani, ngaphandle kwekutsi nibulale konkhe lokusemkhatsini wenu lokunikelwe ekubhujisweni.

Tikhulu 16:14

Ngako watsi Samsoni aselele Delila watsatsa lamagodza lasikhombisa enhloko yaSamsoni, wawachina, aba ligodza linye, wase ulicoboshela ngesicobosho. Delila waphindza wamemeta watsi: “Samsoni, nankha emaFilisti asasetikwakho.” Samsoni wavuka ebutfongweni, wamonyula lesicobosho wachacha naleligodza lelalichiniwe.

Tikhulu 16:19

Delila walalisa Samsoni ematsangeni akhe, wase ubita lenye indvodza. Lendvodza yamhhula onkhe lamagodza lasikhombisa etinwele takhe. Delila wacala kumhlupha. Emandla aSamsoni esuka kuye.

Tikhulu 16:21

EmaFilisti ase ayambamba, akupuluta emehlo akhe, ehla naye, amyisa eGaza. Ambopha ngemaketane elitfusi, amgayisa ekhatsi ejele.

Tikhulu 16:3

Kodvwa Samsoni walala kalengwadla kwaze kwaba ngusekhatsi nebusuku. Wase uyavuka wabamba tivalo telisango lalelidolobha, wakubhanca naletinsika letimbili, wakusiphula, tinsika nemshudvo nako konkhe. Wakuphakamisa wakubeka emahlombe, wakwetfwala waya nako etulu entsabeni leyayibukene neHebroni.

Tikhulu 16:9

Kwakunemadvodza labewabhacise ekamelweni; ngako wase umemeta kakhulu watsi: “Samsoni, nankha emaFilisti asasetikwakho!” Kodvwa Samsoni watichunsula kalula nje letintsambo, kwaba shangatsi letintsambo titsintfwa ngumlilo. Ngako imfihlo yemandla akhe ayizange itfolokale.

1 Samuweli 16:14

Moya waSimakadze abesasukile kuSawula, umoya lomubi lowavela kuSimakadze wamkhatsata.

1 Samuweli 18:10

Ngakusasa umoya lomubi lowawuvela kuNkulunkulu wahlasela Sawula ngemandla. Kungatsi abehlanya endlini yakhe ngesikhatsi Davide amdlalela ihabhu, njengobe abevamise kwenta. Sawula abephetse sikhali esandleni sakhe.

1 Samuweli 18:12

Sawula abesamesaba loDavide, ngobe Simakadze abenaDavide asasukile kuSawula.