Tikhulu 16:2 - Siswati 1996 Bible

² Bantfu baseGaza batjelwa kwatsiwa: “Samsoni sewula.” Ngako bayikaka leyo ndzawo, bambhacela busuku bonkhe; bamlalele ngasesangweni lelidolobha. Busuku bonkhe bebangatsi khwasha, bacabanga batsi: “Kutawutsi nakudzabuka kusa, simbulale.”

Tikhulu 16:2 Referencias Cruzadas

Matewu 21:38

Kodvwa tatsi ticashi natiyibona lendvodzana, takhuluma todvwana, tatsi: ‘Lena yindlalifa yakhe; wotani siteyibulala, khona sitewudla lifa layo.’

Matewu 27:1

Ekuseni lokwa ngeluvivi baphristi labakhulu netibondza tesive benta lisu lekubulala Jesu.

Lukha 21:20

“Nanibona iJerusalema itungeletwe timphi, nibovele nati kutsi seyitawubhidlitwa.

Imisebenti yebaPhostoli 23:15

Ngako-ke, nine neLiqoqo, tfumelani livi kukhenela wemaRoma nicele ehlise Pawula ete la kini, nente shangatsi kukhona lenifuna kukutfolisisa kahle ngalendzaba yakhe. Tsine-ke sitatilungiselela kutsi simbulale angakefiki lapha kini.”

Imisebenti yebaPhostoli 9:24

Kodvwa Sawula weva ngalelisu labo kutsi bamlindza imini nebusuku emagedeni elidolobha kuze bambulale.

Tikhulu 15:18

Ngenca yekutsi abese ome kakhulu, wakhala kuSimakadze watsi: “Unike inceku yakho lokuncoba lokukhulu kangaka, manje sengingafa nje ngibulawe koma, ngifele esandleni salabangasoki?”

Tikhulu 16:3

Kodvwa Samsoni walala kalengwadla kwaze kwaba ngusekhatsi nebusuku. Wase uyavuka wabamba tivalo telisango lalelidolobha, wakubhanca naletinsika letimbili, wakusiphula, tinsika nemshudvo nako konkhe. Wakuphakamisa wakubeka emahlombe, wakwetfwala waya nako etulu entsabeni leyayibukene neHebroni.

1 Samuweli 19:11

Sawula watfumela emadvodza endlini yaDavide kutsi ayekumgadza, bese ayambulala ekuseni. Kodvwa Mikhali, umkaDavide, wecwayisa Davide watsi: “Nawungabaleki uyewubhaca lamuhla ebusuku, utawubulawa ekuseni kusasa.”

1 Samuweli 23:26

Sawula abehamba ngakulelinye licele lentsaba, kantsi naDavide nebalandzeli bakhe babehamba ngale kulelinye licele. Davide washesha wahamba lapho, ngobe abesaba Sawula. Kwatsi lapho Sawula nemabutfo akhe asatungelete Davide nemadvodza akakhe asacondze kubatfumba,