Tikhulu 15:6 - Siswati 1996 Bible

⁶ EmaFilisti atsi nakabuta, atsi: “Ngubani lona lowente loku?” atjelwa kutsi: “NguSamsoni, umkhwenyane waseThimna, ngobe umfati wakhe wendziselwa umngani wakhe.” Ngako emaFilisti esuka ayawushisa lomfati kanye nayo yonkhe indlu yeyise, bafa baphela.

Tikhulu 15:6 Referencias Cruzadas

Taga 22:8

Umuntfu lohlanyela inhlanyelo yebudlova uvuna tingoti nekuhlupheka; kucindzetela kwakhe labanye bantfu kutawuphela.

1 kubaseThesalonika 4:6

Akubete lowonako aphambe umzalwane wakhe nome ngani, ngobe Nkulunkulu ungumphindziseli kuto tonkhe letintfo, njengobe saniyalisisa nje.

Tikhulu 12:1

Emadvodza aka-Efrayimu abutsana, ashuca ewelela ngesheya kulaseSafoni, afike akhuluma kuJeftha, atsi: “Wentiwe yini lokutsi nawuhamba uyakulwa nema-Amoni ungasibiti tsine kutsi sihambe nawe? Sitawulumeka lendlu yakho siyishisele etikwenhloko yakho.”

Tikhulu 14:15

Ngelilanga lesine bakhuluma kumkaSamsoni, batsi: “Ncenga lendvodza yakho wena, khona itesichazela inshokutsini yalesiphicaphicwana sayo, ngaphandle kwaloko sitawushisa wena kanye nawo wonkhe umndeni weyihlo, nife. Kantsi nisimemele kutesikhuthuza lapha kini?”

Tikhulu 15:5

Wase ulumeka letidlwane ngemlilo, wayekela letimphungutja, tatsi bhibi emasimini akolo labesomile emaFilisti. Ngaleyo ndlela kwasha onkhe emabibi akolo labese avuniwe nalowo kolo labesesemasimini kanye nemasimi emagelebisi newetihlahla temincumo, kwasha kwangconga.

Tikhulu 15:7

Samsoni wakhuluma kubo, watsi: “Njengobe senente nje, ngingeke ngisaniyekela, ngiyawuze ngitiphindziselele, ngenele kini.”