Tikhulu 15:5 - Siswati 1996 Bible

⁵ Wase ulumeka letidlwane ngemlilo, wayekela letimphungutja, tatsi bhibi emasimini akolo labesomile emaFilisti. Ngaleyo ndlela kwasha onkhe emabibi akolo labese avuniwe nalowo kolo labesesemasimini kanye nemasimi emagelebisi newetihlahla temincumo, kwasha kwangconga.

Tikhulu 15:5 Referencias Cruzadas

2 Samuweli 14:30

Absalomu wakhuluma etincekwini takhe, watsi: “Bukani la, insimi yaJowabe isedvute naleyami, uhlanyele ibhali kuyo. Hambani nifike niyilumeke ngemlilo.” Ngako letinceku takhe tavele tayilumeka ngemlilo.

Eksodusi 22:6

“Nangabe umuntfu atsite uyababela ensimini nome efusini lakhe, kwaphunyuka lomlilo washisa emabibi nome emabele alomunye nome yonkhe insimi yalomunye, kufanele lokudla akukhiphele inkhokhelo lephelele.

Eksodusi 23:11

kodvwa ngemnyaka wesikhombisa uyawuyiphumuta ungayilimi, ungavuni lutfo loluhlume kuyo, kuze kutsi labaphuyile besive sakho badle kuyo, lokusele kuyo kudliwe tilwane tesiganga. Uyawukwenta njalo nasesivinini sakho kanye nasensimini yakho yemincumo.

Tikhulu 15:4

Ngako wesuka lapho wayawubamba timphungutja letingema-300, watikhunganisa ngemisila, atikhunga ngatimbili, atifulatselanisa, wase ubophela tidlwane kulamafindvo.

Tikhulu 15:6

EmaFilisti atsi nakabuta, atsi: “Ngubani lona lowente loku?” atjelwa kutsi: “NguSamsoni, umkhwenyane waseThimna, ngobe umfati wakhe wendziselwa umngani wakhe.” Ngako emaFilisti esuka ayawushisa lomfati kanye nayo yonkhe indlu yeyise, bafa baphela.