Tikhulu 15:15 - Siswati 1996 Bible

¹⁵ Wabona litsambo lemhlatsi wembongolo, walicukula, wahesha ngalo emadvodza layinkhulungwane.

Tikhulu 15:15 Referencias Cruzadas

2 Samuweli 23:8

Lawa-ke ngemabito etingwazi takaDavide letatidvumile: wekucala kwakunguJoshebi Bashebethi, umThakhemoni, abeyindvuna yaLabatsatfu. Yena-ke wagwaza ngesikhali sakhe emadvodza labengema-800, wawabulala onkhe emphini yinye.

Levithikusi 26:7

Titsa tenu niyawuticosha niticotfule ngenkemba.

Levithikusi 26:8

Labasihlanu benu bayawuba nemandla ekwehlula likhulu lato, nelikhulu lenu liyawuba nemandla ekwehlula titsa leti-10 000; yebo, titsa tenu niyawutehlula niticotfule ngenkemba.

KumaHebheru 11:34

bacima emandla emlilo, baphepha enkembeni, baphiwa emandla ebutsakatsakeni, baba ngemachawe ekulweni timphi, badzimate baticosha timphi tebetive.

Joshuwa 23:10

Indvodza yinye yakini iyawucosha emadvodza layinkhulungwane, ngobe Simakadze Nkulunkulu wenu uyanilwela, njengobe etsembisa.

Tikhulu 15:16

Samsoni watsi: “Ngemhlatsi wembongolo ngibente timbongolo. Ngemhlatsi wembongolo ngibulele emadvodza layinkhulungwane.”

Tikhulu 15:17

Watsi kube acedze kusho njalo, walahla lomhlatsi wembongolo phansi; leyo ndzawo yetsiwa libito kwatsiwa yiRamathi Lehi.

Tikhulu 3:31

Emvakwa-Ehudi kwavela Shamgari, umsa wa-Anathi, lona lowabulala emaFilisti langema-600 ngeluphondvo lwenkhabi. Naye futsi wawakhulula ema-Israyeli.

Tikhulu 4:21

Kodvwa Jayeli, umkaHebere, wesuka watsatsa sikhonkhwane selithende kanye nesandvo, wamnyonyobela ngesikhatsi asetumekile alele. Wafike wamphisela ngalesikhonkhwane enhlafunweni, saze sayawuphumela emhlabatsini; kwaba kufa kwaSisera njalo loko.

Tikhulu 7:16

Wahlela lamadvodza langema-300, wawenta emabutfo lamatsatfu. Onkhe lamadvodza wawanika emacilongo nemajeke labengenalutfo, kanye netidlwane lebetisekhatsi emajekeni, watsi ngulowo nalowo akakubambe ngetandla.

1 Samuweli 14:14

Kuloko kuhlasela kwabo kwekucala Jonathani neludzibi lwakhe babulala emadvodza langaba ngema-20, endzaweni lelibanga lelingaba ngangemjikijelo.

1 Samuweli 14:6

Jonathani wakhuluma kuloludzibi lwakhe, watsi: “Kota sambe, siye kulenkambu lapho kumise khona labantfu labangakasoki. Mhlawumbe Simakadze utawuba ngakitsi. Kute lokungavimba Simakadze kutsi asimelele. Kute lokungaphatamisa Simakadze kutsi asisindzise ngebantfu labanyenti nome ngebantfu labambalwa.”