Tikhulu 14:20 - Siswati 1996 Bible

²⁰ LomkaSamsoni watsatfwa wendziselwa lomunye walamajaha abetemhlalisa ngemtsimba wakhe.

Tikhulu 14:20 Referencias Cruzadas

Ingoma Yetingoma 5:1

Sengifikile engadzeni yami, dzadzewetfu, mntfwanaketfu, ngibutse imure yami nemakha ami. Ngiludlile luhlanga lwami lwetinyosi neluju; sengilinatsile liwayini lami nelubisi lwami. Dlanini, bomngami, ninatse; natsisisani lutsandvo, nine titsandzani.

Jeremiya 9:5

Umngani uyenga bangani, kute namunye lokhuluma liciniso. Bafundzise tilwimi tabo kukhuluma emanga; bayatiphuphisa bona ngekwenta sono.

Mikha 7:5

Ungamkholwa makhelwane wakho, nome-ke ungametsembi umnganakho. Uwabale emavi akho lowakhulumako, ngisho nakumkakho lomtsandzako imbala.

Johane 13:18

“Angikhulumi ngani nonkhe; ngiyabati labo lengibakhetsile. Kodvwa kufanele kugcwaliseke umBhalo lotsi: ‘Lowo lodla sinkhwa sami, sewungigucukele, waphambana nami.’

Johane 3:29

Lowo lonamakoti ungumyeni; kepha umngani wemyeni nakaliva livi lemyeni, ujabula kakhulu. Ngako-ke lenjabulo yami seyiphelele.

Tikhulu 15:2

Uyisetala wakhuluma kuye, watsi: “Mine bengicabanga kutsi vele sewumalile, ngako ngase ngimendzisela lomunye walamajaha bewuhleti nawo. Lomlamu wakho lomncane akamengci yini ngebuhle? Tsatsa yena esikhundleni semkakho.”

Tikhulu 15:6

EmaFilisti atsi nakabuta, atsi: “Ngubani lona lowente loku?” atjelwa kutsi: “NguSamsoni, umkhwenyane waseThimna, ngobe umfati wakhe wendziselwa umngani wakhe.” Ngako emaFilisti esuka ayawushisa lomfati kanye nayo yonkhe indlu yeyise, bafa baphela.

1 Samuweli 18:19

Kodvwa satsi nasifika sikhatsi saMerabi, indvodzakati yaSawula, kutsi endziswe kuDavide, wase wendziswa ku-Adriyeli waseMehola.