Tikhulu 14:17 - Siswati 1996 Bible

¹⁷ Ngako lomfati wakhala embikwakhe onkhe lawo malanga labesikhombisa elidzili. Kwatsi ngelilanga lesikhombisa Samsoni wase uyamchazela, ngobe abechubeka nekumncenga. Lomfati-ke wase uchazela labantfu bakubo lesiphicaphicwana.

Tikhulu 14:17 Referencias Cruzadas

Genesisi 3:6

Ngako-ke watsi umfati kube abone kutsi lesihlahla sasifanelwe kudliwa, nekutsi sasibukeka sisihle, nekutsi lesihlahla sasifanele kumhlakaniphisa umuntfu, wakha kulesihlahla wadla. Wanika nendvodza yakhe, nayo yadla.

Jobe 2:9

UmkaJobe wakhuluma kuJobe, watsi: “Namanje solomane usabambelele yini kulokwetsembeka kwakho? Yetfuka loNkulunkulu wakho, ufe lokungenani!”

Taga 7:21

Ngako wavele wayimelela kutsi iphambukele kuye, wayihuha ngemavi akhe.

Jeremiya 9:3

“Balola tilwimi tabo njengebutjoki, bentele kudubula emanga. Abaphumeleli ngalo liciniso eveni. Besuka esonweni baye esonweni, abanginaki nekunginaka,” kusho Simakadze.

Mikha 7:5

Ungamkholwa makhelwane wakho, nome-ke ungametsembi umnganakho. Uwabale emavi akho lowakhulumako, ngisho nakumkakho lomtsandzako imbala.

Lukha 11:8

Ase nginitjele naku kutsi: Nome abengeke avuke amnike letinkhwa ngobe angumngani wakhe, kodvwa utamnika konkhe lakudzingako, ngobe abengenamahloni ekumbekela siye ngekumcela.

Tikhulu 14:16

Ngako-ke umkaSamsoni watijika kuSamsoni, akhala, atsi: “Uyangenyanya! Awungitsandzi ngeliciniso. Uphice bantfu bakitsi, kodvwa mine awukangitjeli imphendvulo yalesiphicaphicwana.” Samsoni wamphendvula watsi: “Angizange sengisichazele ngisho nabobabe namake lesi, pho, ngingakuchazelelani-ke wena?”

Tikhulu 14:18

Latsi lingakashoni lilanga lesikhombisa, bantfu bakulelidolobha batsi kuye: “Yini lenongotela njengeluju? Yini lenemandla njengelibhubesi?” Samsoni watsi kubo: “Kube beningalimi ngalelitfokati lami, ngabe nanyalo anikasicombeleli lesiphicaphicwana sami.”

Tikhulu 16:13

Ngako Delila wabuye wakhuluma kuSamsoni, watsi: “Sekuze ngunyalo solomane ungenta silima sakho, uyangiyenga, ngitjele kutsi ungaboshwa kanjani?” Samsoni wamphendvula watsi: “Nawungeluka lamagodza lasikhombisa lasenhloko yami ngemtiya, uwente abe ligodza linye, bese ulicoboshela ngesicobosho, nami ngiyawuba butsakatsaka njengabo bonkhe bantfu.”

Tikhulu 16:16

Ngaloko kumbelesela kwakhe amchukulusha onkhe emalanga, amncenga, Samsoni waze wadzinwa, umphefumulo wakhe wakhatsateka kakhulu.

Tikhulu 16:6

Ngako Delila wakhuluma kuSamsoni, watsi: “Ngitjele imfihlakalo yemandla akho lamakhulu, nekutsi ungabanjwa njani uboshwe, wehlulwe.”