Tikhulu 14:15 - Siswati 1996 Bible

¹⁵ Ngelilanga lesine bakhuluma kumkaSamsoni, batsi: “Ncenga lendvodza yakho wena, khona itesichazela inshokutsini yalesiphicaphicwana sayo, ngaphandle kwaloko sitawushisa wena kanye nawo wonkhe umndeni weyihlo, nife. Kantsi nisimemele kutesikhuthuza lapha kini?”

Tikhulu 14:15 Referencias Cruzadas

Taga 1:11

natitsi kuwe: “Kota, sambe sifune lesingahle simbulale; asihambe silalele labangenacala, sibajabhalate ngaphandle kwesono.

Taga 5:3

Tindzebe temfati loyingwadla tivuta luju, inkhulumo yakhe ishelela kwengca emafutsa;

Taga 6:26

Ngobe ingwadla ungayicasha ngemkhama wesinkhwa, kodvwa umgomo wemfati losiphingi kuhliphita nome kutfumba indvodza.

Mikha 7:5

Ungamkholwa makhelwane wakho, nome-ke ungametsembi umnganakho. Uwabale emavi akho lowakhulumako, ngisho nakumkakho lomtsandzako imbala.

Tikhulu 12:1

Emadvodza aka-Efrayimu abutsana, ashuca ewelela ngesheya kulaseSafoni, afike akhuluma kuJeftha, atsi: “Wentiwe yini lokutsi nawuhamba uyakulwa nema-Amoni ungasibiti tsine kutsi sihambe nawe? Sitawulumeka lendlu yakho siyishisele etikwenhloko yakho.”

Tikhulu 14:14

Wabatjela watsi: “Kulokudlanako kwaphuma lokudliwako; kulokunemandla kwaphuma lokunongotelako.” Kwaze kwaphela emalanga lamatsatfu solomane bangakacombeleli kahle.

Tikhulu 15:6

EmaFilisti atsi nakabuta, atsi: “Ngubani lona lowente loku?” atjelwa kutsi: “NguSamsoni, umkhwenyane waseThimna, ngobe umfati wakhe wendziselwa umngani wakhe.” Ngako emaFilisti esuka ayawushisa lomfati kanye nayo yonkhe indlu yeyise, bafa baphela.

Tikhulu 16:5

Baholi bemaFilisti baya kuyo, bafike batsi: “Buka la, nawungamwunga aze asikhombise imfihlakalo yalamandla akhe lamakhulu, nekutsi singamncoba njani kuze simkhunge, simbambe ngulowo nalowo wetfu angakunika isiliva lengemakhilogremu langaba li-13, amunye.”