Tikhulu 14:14 - Siswati 1996 Bible

¹⁴ Wabatjela watsi: “Kulokudlanako kwaphuma lokudliwako; kulokunemandla kwaphuma lokunongotelako.” Kwaze kwaphela emalanga lamatsatfu solomane bangakacombeleli kahle.

Tikhulu 14:14 Referencias Cruzadas

Genesisi 3:15

Ngitawubeka butsa emkhatsini wakho nemfati, nasemkhatsini wentalo yakho nentalo yemfati. Yona iyawufihlita inhloko yakho, wena uyawuluma sitsendze sayo.”

1 Emakhosi 17:6

Emahhwabayi abemletsela sinkhwa nenyama njalo ekuseni nasentsambama, bese unatsa kulowo mfudlana.

2 Tikhronike 20:2

Lamanye emadvodza eta atawutjela Jehoshafati atsi: “Kukhona imphi lenkhulu lephuma ka-Edomu ngesheya kweLwandle Lweluswayi itewuhlasela wena. Loku sikhuluma nje, iklamele eHasasoni Thamari.” Leyo bekuyi-Eni Gedi.

2 Tikhronike 20:25

Ngako Jehoshafati kanye nemadvodza akakhe bahamba bayawutitapela imphango, batfola kuyo ingcebo lenyenti netimphahla letinyenti tekwembatsa kanye netimphahla letinelinani lelikhulu, baze behluleka nekutetfwala tonkhe. Imphango yaba yinyenti kangangekutsi kwatsatsa emalanga lamatsatfu kuyibutsa bayicedze yonkhe.

Taga 24:7

Kucondza kungetulu kwemandla esilima; nase kukhulunywa ngempela, kute lesingahle sikusho silima.

Matewu 13:11

Wabaphendvula watsi: “Nine ninikiwe lwati lwetimfihlakalo tembuso welizulu, kodvwa bona abakanikwa.

Imisebenti yebaPhostoli 8:31

Waphendvula watsi: “Ngingeva kanjani kute longichazelako nje?” Wase ucela yena Filiphu kutsi agibele ahlale eceleni kwakhe.

KubaseRoma 8:37

Kepha kuko konkhe loku siyancoba nekuncoba ngaye lowasitsandza.

2 kubaseKorinthe 4:17

Ngobe lolusizi lwetfu luncane futsi lwesikhashana, lusilungiselela inkhatimulo lengenawulinganiswa, yaphakadze.

1 yaPhetro 2:24

Khristu cobo lwakhe wetfwala tono tetfu emtimbeni wakhe, emtsini, kuze kutsi tsine singabe sisabuswa tono kodvwa siphile ekulungeni. “Niphiliswe ngemivimbo yakhe.”

Tikhulu 14:13

Nanehluleka kucombelela kahle, kufanele ninginike nine tembatfo telineni letingema-30 netimphahla tekwembatsa letingema-30.” Lamajaha atsi: “Siphice. Shangatsi ngabe sewusiphicile.”

Tikhulu 14:15

Ngelilanga lesine bakhuluma kumkaSamsoni, batsi: “Ncenga lendvodza yakho wena, khona itesichazela inshokutsini yalesiphicaphicwana sayo, ngaphandle kwaloko sitawushisa wena kanye nawo wonkhe umndeni weyihlo, nife. Kantsi nisimemele kutesikhuthuza lapha kini?”