Tikhulu 13:6 - Siswati 1996 Bible

⁶ Lomfati-ke wabe sewuya endvodzeni yakhe, wafike wayibikela watsi: “Kufike umuntfu waNkulunkulu kimi. Simo sakhe bekungatsi yingilosi yaNkulunkulu; abesabeka kakhulu. Nami angikabe ngisabuta nekutsi uphumaphi, naye akangitjeli nelibito lakhe.

Tikhulu 13:6 Referencias Cruzadas

Genesisi 18:2

Abrahama watsi nakaphakamisa emehlo, wabona emadvodza lamatsatfu eme embikwakhe. Watsi kube awabone, wesuka emnyango welithende lakhe wagijima wawahlangabeta, wafike wakhotsama,

Genesisi 32:29

Jakobe wabuta watsi: “Wena-ke ungubani libito lakho?” Yaphendvula yatsi: “Ufunelani kwati libito lami?” Yase iyambusisa.

1 Emakhosi 17:18

Lomfelokati wakhuluma ku-Elija, watsi: “Ngoneni kuwe, muntfu waNkulunkulu? Kantsi lapha kami utele kutangikhumbuta sono sami, ubulale nendvodzana yami.”

1 Emakhosi 17:24

Lomfelokati watsi ku-Elija: “Manje sengiyati kutsi ungumuntfu waNkulunkulu, nekutsi livi laSimakadze leliphuma emlonyeni wakho liliciniso.”

2 Emakhosi 4:16

Elisha wakhuluma kulomfati, watsi: “Cishe ngalesikhatsi ngemnyaka lotako, utawube ugone indvodzana.” Lomfati wekhuta imihlolo, watsi: “Cha, nkhosi yami, incekukati yakho ungayiyengi, muntfu waNkulunkulu!”

2 Emakhosi 4:9

Lomfati wase ukhuluma nendvodza yakhe, watsi: “Ngiyati kutsi lendvodza levamise kuphambukela lapha ekhaya ingumuntfu longcwele waNkulunkulu.

Eksodusi 3:2

Ingilosi yaSimakadze yabonakala kuye iselangabini lemlilo ekhatsi nekhatsi esihlahleni. Watsi uyabuka, wabona lesihlahla sivutsa kodvwa singashi.

Eksodusi 3:6

NginguNkulunkulu wabokhokho bakho: Nkulunkulu wa-Abrahama, naNkulunkulu wa-Isaka, naNkulunkulu waJakobe.” Mosi wambonya buso bakhe, ngobe esaba kubukana naNkulunkulu.

Danyela 10:11

Watsi: “Danyela, wena lotsandzekile, caphelisisa lamavi lesengitakutjela wona, sukuma ume, ngobe nyalo ngitfunyelwe kuwe.” Watsi kube asho njalo kimi, ngasukuma ngichachatela.

Danyela 10:5

ngatsi ngiyabuka, ngabona embikwami kume umuntfu embetse telineni, atibophe ngelibhande legolide lecengekile elukhalo.

Danyela 8:17

Watsi asasondzela kulendzawo lapho ngangime khona, ngesaba kakhulu ngawa phansi ngebuso. Watsi kimi: “Ndvodzana yemuntfu, visisa kahle kutsi lombono umacondzana nesikhatsi sekugcina.”

Lukha 1:19

Ingilosi yamphendvula yatsi: “NginguGabhriyeli, loma embikwaNkulunkulu, ngitfunywe kutsi ngikhulume kuwe, ngikutjele lendzaba lemnandzi.

Lukha 9:29

Asathandaza buso bakhe bagucuka, netimphahla takhe taba mhlophe tamengetela.

Imisebenti yebaPhostoli 6:15

Bonkhe lababehleti phansi kuleLiqoqo letiphatsimandla bambukisisa Stefano, babona kutsi buso bakhe base bufana nebengilosi.

Dutheronomi 33:1

Lesi sibusiso Mosi, umuntfu waNkulunkulu, labusisa ngaso ema-Israyeli ngaphambi kwekufa kwakhe.

1 kuThimothi 6:11

Kodvwa wena, muntfu waNkulunkulu, kubalekele loko; jonga kulunga, nekwesaba Nkulunkulu, nekukholwa, nelutsandvo, nekubeketela, nebumnene.

Joshuwa 14:6

Emadvodzana akaJuda aya kuJoshuwa eGilgali, Khalebi, umsa waJefune, umKhenizi, wafike watsi: “Uyati kutsi Simakadze watsini ngawe nami, kuMosi, inceku yaNkulunkulu, eKhadeshi Bhaneya?

Sembulo 1:17

Ngatsi kube ngimbone, ngawa ngasetinyaweni takhe, ngadzimate ngaba njengemuntfu lofile. Wangibamba ngesandla sakhe sangesekudla watsi: “Ungesabi, mine ngiwekucala newekugcina,

Tikhulu 13:10

Lomfati waphutfuma wayawubikela indvodza yakhe, watsi: “Sewukhona! Lomuntfu lowabonakala kimi ngalela langa sewuphindze ubuyile.”

Tikhulu 13:22

Manowa wakhuluma kumkakhe, watsi: “Sitakufa! Sibone Nkulunkulu!”

Tikhulu 13:3

Ingilosi yaSimakadze yabonakala kulomfati, yatsi: “Uyinyumba, ute bantfwana, kodvwa sewutawukhulelwa, utale indvodzana.

Tikhulu 13:7

Kodvwa utsite kimi: ‘Utawukhulelwa, utale indvodzana. Manje-ke ungabe usalinatsa liwayini nome ngabe sengusiphi-ke sinatfo lesivutjelwe. Ungasadli lutfo lolungcolile ngekwemtsetfo, ngobe lomfana uyawuba ngumNaziri lowehlukaniselwe Nkulunkulu kusukela ekutalweni kwakhe kuze kube lilanga lekufa kwakhe.’ ”

Tikhulu 13:8

Ngako Manowa wase uyathandaza kuSimakadze, watsi: “Awu, Simakadze, ngiyakuncenga kutsi mane lowo muntfu waNkulunkulu lomtfumele lapha kitsi aphindze abuye atesifundzisa kutsi lomfana lotawutalwa sitamkhulisa kanjani.”

Tikhulu 6:11

Ingilosi yaSimakadze yeta yefika yahlala ngephansi kwesihlahla se-okhi e-Ofra leyayiyaJowashi, labewesive saka-Abiyezeri, lapho umsa wakhe, Gideyoni, abebhula khona kolo etjeni lekuhluta liwayini entela kutsi emaMidiyani angamtfoli.

1 Samuweli 2:27

Kwefika umuntfu waNkulunkulu ku-Eli, watsi: “Naku lokushiwo nguSimakadze, utsi: ‘Angizange yini ngitibonakalise ngalokucacile endlini yeyihlo Aroni ngesikhatsi baseseGibhithe, basabuswa yindlu yakaFaro?

1 Samuweli 9:6

Kodvwa lesisebenti saphendvula satsi: “Ase ubuke la, kulelidolobha kunemuntfu waNkulunkulu, uhlonishwa kakhulu, konkhe lakushoko kuba liciniso, futsi kwenteke. Asambe siye khona nyalo. Mhlawumbe angahle asitjele kutsi kufanele sibheke ngakuphi.”