Tikhulu 13:5 - Siswati 1996 Bible

⁵ ngobe utawukhulelwa utale indvodzana. Kute insingo leyawusetjentiswa enhloko yakhe, ngobe lomfana uyawuba ngumNaziri lowehlukaniselwe Nkulunkulu kwasekutalweni kwakhe. Nguye lotawucala kukhulula sive sema-Israyeli esandleni semaFilisti.”

Tikhulu 13:5 Referencias Cruzadas

2 Samuweli 8:1

Kwatsi emvakwaloko, Davide wahlasela emaFilisti, wawehlula, wawemuka emandla ekutibusa wona eveni, watsatsa neMethegi Ama, wayikhipha ekubusweni ngemaFilisti.

1 Tikhronike 18:1

Kwatsi emvakwaloko, Davide wahlasela emaFilisti wawehlula, wawemuka emandla ekutibusa eveni, watfumba iGathi kanye nemiti yayo leyayiyitungeletile, wayikhipha ekubusweni ngemaFilisti.

Amose 2:11

Ngaphindza nganivusela baphrofethi emkhatsini wemadvodzana enu kanye nebaNaziri emkhatsini wemajaha enu. Akusilo liciniso yini lelo, sive sema-Israyeli?” kusho Simakadze.

Numeri 6:5

“ ‘Ngaso sonkhe leso sikhatsi sakhe sekutehlukanisela Simakadze, akayikutihhula tinwele takhe. Uboshwe sifungo sakhe sekutidzela atinikele kuSimakadze ngalokuphelele abe ngulongcwele kuSimakadze; uyawutiyekela tonkhe tinwele takhe tikhule tibe tindze.

Lukha 1:15

ngobe uyakuba ngumuntfu lomkhulu ebusweni baNkulunkulu, akayiwulinatsa liwayini nome-ke yini ledzakisako, uyawugcwaliswa ngaMoya Longcwele kusukela angakatalwa.

Tikhulu 16:17

Ngako wamtjela yonkhe inhlitiyo yakhe, watsi: “Tinwele tami atizange setitsintfwe yinsingo, ngobe ngingumNaziri, ngehlukaniselwe Nkulunkulu kusukela ekutalweni kwami. Inhloko yami nayingase ihhulwe, emandla ami angesuka kimi, nami ngingaba butsakatsaka njengabo bonkhe bantfu.”

1 Samuweli 1:11

Wenta setsembiso, watsi: “Awu, Simakadze Somandla, nawungamane ubukisise lusizi lwencekukati yakho, ungikhumbule, ungayikhohlwa incekukati yakho, kodvwa incekukati yakho uyiphe indvodzana, leyo ndvodzana ngiyakunikela ngayo kuSimakadze, tonkhe tinsuku tekuphila kwayo, kuyawubate insingo leyawutsintsa inhloko yayo.”

1 Samuweli 7:13

Ehlulwa kanjalo-ke emaFilisti, akazange aphindze ahlasele live lema-Israyeli. Kuwo onkhe emalanga ekuphila kwaSamuweli sandla saSimakadze sasiphambene nemaFilisti.