Tikhulu 13:25 - Siswati 1996 Bible

²⁵ naMoya waSimakadze wacala kumnyakatisa ngesikhatsi aseMahane Dani, emkhatsini weSora ne-Eshtayoli.

Tikhulu 13:25 Referencias Cruzadas

Matewu 4:1

Khona lapho nje Jesu waholelwa nguMoya waNkulunkulu ehlane, kuze atewulingwa nguSathane.

Johane 3:34

Ngobe lowo lotfunywe nguNkulunkulu ukhuluma emavi aNkulunkulu; ngobe Moya akaniki ngekwesilinganiso.

Joshuwa 15:33

Ematsafeni kwaba ngulawa: Kwakuyi-Eshtayoli, neSora, ne-Ashna,

Joshuwa 19:41

Lelive lalifaka nati tindzawo: Kwaba yiSora, ne-Eshtayoli, ne-Iri Shemeshi,

Tikhulu 11:29

Moya waSimakadze wase wehlela kuJeftha. Wahamba wadzabula kulakaGileyadi nakulakaManase, wewelela ngesheya eMispa yakaGileyadi, wendlula lapho washuca wayawuhlasela ema-Amoni.

Tikhulu 14:1

Samsoni wehlela eveni laseThimna, wafike khona wabona intfombi leyayingumFilisti.

Tikhulu 14:19

Ngako Moya waSimakadze wehlela kuye ngemandla lamakhulu. Wehlela kulase-Ashkeloni, wabulala emadvodza akhona aba ngema-30; wawahlubula timphahla tawo, watitsatsa, watinika laba bebacombelele siphicaphicwana sakhe. Ngaleso sikhatsi abesatfukutsele abila, wesuka wahamba wabuyela ekhaya kubo.

Tikhulu 16:31

BomnakaboSamsoni nayo yonkhe indlu yakubo behla bayawumlandza. Babuya naye, bamngcwaba emkhatsini waseSora nase-Eshtayoli, ethuneni laManowa, uyise. Samsoni abesahole sive sema-Israyeli iminyaka lengema-20.

Tikhulu 18:2

Ngako sive sakaDani satfumela tingwazi letisihlanu, tisuka eSora nase-Eshtayoli, kutsi tiyewuhlola live tilitfungatse. Letingwazi tatimelele tonkhe tinsendvo tato. Bakubo batitjela batsi: “Hambani niyewuhlola lelive, nilitfungulute lonkhe.” Lamadvodza alingenela live letintsaba laka-Efrayimu, aze efika ekhaya kaMikha, lapho efika alala khona.

Tikhulu 3:10

Moya waSimakadze wehlela kuye, ngako waba sikhulu sema-Israyeli; wabahola baya emphini. Simakadze wanikela Khushani Rishathayimu, inkhosi yaseMesophothamiya, esandleni sa-Othniyeli lowamehlula.

Tikhulu 6:34

Moya waSimakadze wehlela etikwaGideyoni; Gideyoni washaya licilongo atjela baka-Abiyezeri kutsi bamlandzele.

1 Samuweli 11:6

Watsi Sawula nakakuva loko, Moya waSimakadze wehlela etikwakhe ngemandla lamakhulu, watfukutsela wabila.