Tikhulu 13:20 - Siswati 1996 Bible

²⁰ Atsi lamalangabi asalanguka esuka lapha elatini acondze ezulwini, lengilosi yaSimakadze yagibela kulamalangabi yenyukela ezulwini. Batsi nabakubona loko, boManowa nemkakhe bawa phansi ngebuso, bakhotsama.

Tikhulu 13:20 Referencias Cruzadas

Genesisi 17:3

Abrama wakhotsamisa buso bakhe, batsintsa phansi, Nkulunkulu watsi kuye:

2 Emakhosi 2:11

Batsi basahamba bakhulumisana bobabili, masinyane kwachamuka incola yemlilo idvonswa ngemahhashi emlilo, yabehlukanisa ekhatsi, Elija wenyuka ngesiwunguwungwana wayawushona ezulwini.

1 Tikhronike 21:16

Davide watsi ubuka etulu, wabona ingilosi yaSimakadze ime emkhatsini welizulu nemhlaba iphakamise inkemba ngesandla sayo iyibhekise ngaseJerusalema. Davide kanye netimphunga base bembatsa emasaka bawa phansi ngebuso, bakhotsama.

1 Tikhronike 21:21

Davide wasondzela, Arawuna watsi uyabukisisa, wambona Davide, washiya kubhula, wayawukhotsama kuDavide abhekise buso phansi.

1 Tikhronike 21:26

Davide wase wakha lilati kuSimakadze kuleyo ndzawo, wenta iminikelo yekushiswa neyebudlelwane, wabita Simakadze; Simakadze waphendvula ngemlilo lowehlela elatini lemnikelo wekushiswa, uvela ezulwini.

Tihlabelelo 47:5

Nkulunkulu ukhuphuke ngenhlokomo, Simakadze wenyuke nakukhala licilongo.

Hezekeli 1:26

Ngetulu kwalomkhatsi lowawusetikwetinhloko tato bekunentfo leyayifanana nesihlalo sebukhosi lesakhiwe ngesafire, ngetulu kwalesihlalo sebukhosi kwakunentfo leyayinesimo lesasifanana nesemuntfu.

Hezekeli 1:28

Lokukhanya kwakumtungeletile njengemushi wenkosazana ubonakala emafini, ngelilanga lekuna kwemvula. Loku bekukubonakala lokwakubonakalisa bukhosi baSimakadze. Ngatsi kube ngikubone konkhe loku, ngawa ngibhekise buso bami phansi, ngase ngiva livi lalokhulumako.

Danyela 10:9

Ngase ngimuva uyakhuluma, ngatsi ngisemlalele, ngatikhandza ngikulobukhulu butfongo, ngase ngilele, buso bami buse mbo phansi.

Levithikusi 9:24

Kwachamuka umlilo usuka kuSimakadze wacedza lomnikelo wekushiswa kanye nemanoni labesetikwelilati. Satsi kube sive sikubone loku, samemeta sakhotsamisa nebuso baso, sawela phansi.

Matewu 17:6

Batsi nabeva loko, bafundzi bawa phansi ngebuso besaba kakhulu.

KumaHebheru 1:3

LeNdvodzana ibonakalisa bukhosi nebunjalo bonkhe baNkulunkulu. Isimise indalo yonkhe ngelivi layo lelinemandla. Yatsi kube yente intsetselelo yetono tebantfu, yahlala ezulwini ngesekudla saNkulunkulu Somandla.

Tikhulu 6:19

Gideyoni wangena, walungisa lizinyane lembuti, wenta emacebelengwane labengenambiliso ngemphuphu lecolisakele leyayingemakhilogremu labengaba lishumi. Wafaka inyama ebhasikidini, nemhluti wayo ebhodweni, konkhe wakukhipha wakuletsa wakunikela kuye ngaphansi kwaleso sihlahla se-okhi.

Tikhulu 6:21

Ngesihloko sendvuku leyayisesandleni sayo, lengilosi yaSimakadze yatsintsa lenyama kanye nalamacebelengwane labengenambiliso. Kwavutsa umlilo kulelidvwala, wadla lenyama nalamacebelengwane. Ingilosi yaSimakadze yanyamalala.