Tikhulu 12:6 - Siswati 1996 Bible

⁶ babetsi: “Kulungile-ke, tsani: ‘Shibholethi.’ ” Nangabe atsite: “Sibholeti,” ngobe ehluleke kubita kahle leligama, babembamba bambulalele khona lapho etubukweni lemfula iJordane. Baka-Efrayimu labababulala kanjalo baba ti-42 000 ngaleso sikhatsi.

Tikhulu 12:6 Referencias Cruzadas

Tihlabelelo 69:15

Ungativumeli tikhukhula temanti kutsi tingemukise, ungawavumeli emanti kutsi angimite, ungawuvumeli nemgodzi kutsi ungigwinye.

Tihlabelelo 69:2

Ngiyabisha elubishini lweludzaka, kute nalapho ngisima khona ngelunyawo, sengize ngefika la kushona khona kakhulu, tikhukhula setitangisibekela.

Taga 17:14

Kususa incabano kufanana nekubhobosa imbobo emantini lavalelwe; kufanele ivalwe lembobo emanti asengakayandzisi.

Taga 18:19

Sita umnakenu, uyawukusita akuvikele abe njengelubondza lwelidolobha; kodvwa nawucabana naye, uyawukuvalela umnyango.

Umshumayeli 10:12

Emavi laphuma emlonyeni wemuntfu lohlakaniphile amentela ludvumo, kodvwa silima sidliwa tindzebe taso.

Isaya 27:12

Ngalelo langa Simakadze uyawubabhula kusukela emfuleni iYufrathe kuze kuyewufika emfuleni waseGibhithe, nine-ke ma-Israyeli, niyawubutfwa ngamunye ngamunye.

Matewu 12:25

Kepha Jesu ayati imicabango yabo, watsi kubo: “Wonkhe umbuso lowehlukene ekhatsi, uyacitseka. Kute lidolobha nome likhaya lelingema nalehlukene ekhatsi.

Matewu 26:73

Emvakwesikhashana lamadvodza labeme lapho asondzela kuPhetro afike atsi: “Ngempela nawe ungulomunye wabo, ngisho nekukhuluma kwakho kuyatisho nje.”

Makho 14:70

Kodvwa Phetro waphindze waphika. Emvakwesikhashana lababeme naye batsi kuPhetro: “Kuliciniso kutsi ungulomunye wabo, ngobe naku ungumGalile.”

KubaseGalathiya 5:15

Kodvwa nanilumana nidlane nodvwana, nibocaphela kutsi ningacedzani.

Tikhulu 12:5

BakaGileyadi bavimba onkhe ematubuko emfula iJordane lewelela ka-Efrayimu. Kwakutsi njalo nakukhona lophunyulile waka-Efrayimu, afike atsi: “Ngicela kwewela,” emadvodza akaGileyadi ambute atsi: “Ngekwakho uwaka-Efrayimu yini?” Nakaphendvule watsi: “Cha,”

Tikhulu 12:7

Jeftha wahola sive sema-Israyeli iminyaka lesitfupha. Jeftha, labengumGileyadi, wafa, wangcwatjwa edolobheni lakaGileyadi.