Tikhulu 11:26 - Siswati 1996 Bible

²⁶ Kwaze kwaphela iminyaka lengema-300, baka-Israyeli bahlala eHeshboni, nase-Aroyeri, nasetabelweni letiyitungeletile, nakuwo onkhe emadolobha kuvundla ne-Anoni. Awuzange ubahlasele ngani-ke ngaleso sikhatsi ulidle lelive?

Tikhulu 11:26 Referencias Cruzadas

Jeremiya 48:19

Manini emigwacweni nibukele, nine lenihlala e-Aroyeri. Butani kulamadvodza lasubatsako nakulabafati lababalekako nitsi: ‘Kwenteke njani?’

Imisebenti yebaPhostoli 13:19

Wabulala tive letisikhombisa eveni laseKhenani, walinika bona kutsi libe labo.

Dutheronomi 2:24

“Sukumani, nihambe nidzabule Sihosha sase-Anoni. Bukani la, indzawo yaSihoni, um-Amori, inkhosi yaseHeshboni, nelive lakhe, ngikwetfule etandleni tenu. Mhlaseleni nidle lelive lakhe.

Dutheronomi 2:36

Kusukela e-Aroyeri lesemngcengcemeni weSihosha sase-Anoni, kanye nekusuka edolobheni lelisesikhunjini semfula, kuze kuyewufika eGileyadi kwabate ngisho nalinye lidolobha lelaba ngetulu kwemandla etfu. Simakadze Nkulunkulu wetfu wawanikela kitsi onkhe.

Dutheronomi 3:2

Kodvwa Simakadze wakhuluma kimi, watsi: ‘Ungamesabi, ngobe yena kanye nemabutfo akhe onkhe, nelive lakhe, sengimnikele etandleni takho. Yenta kuye kona loko lowakwenta kuSihoni, inkhosi yema-Amori, labebusa eHeshboni.’

Dutheronomi 3:6

Sawabhubhisa sawacedza onkhe, njengobe senta kuSihoni, inkhosi yaseHeshboni; sabhubhisa onkhe emadolobha, nemadvodza, nebafati nebantfwana.

Joshuwa 11:18

Joshuwa wawahlasela onkhe lawo makhosi sikhatsi lesidze.

Joshuwa 12:2

Sihoni, inkhosi yema-Amori, labebusa eHeshboni. Abebusa kusukela e-Aroyeri emngcengcemeni weMsaho wase-Anoni, kusukela ekhatsi nawo, kuye eMfuleni iJabhoki, lekungumncele wema-Amoni. Lelive lalifaka ekhatsi incenye yelive lakaGileyadi.

Joshuwa 12:5

Abebusa etikweNtsaba iHemoni, neSalekha, neBhashani yonkhe, kuze kufike emnyeleni wesive sakaGeshuri, neMakha kanye nencenye yakaGileyadi kuye emnyeleni waSihoni, inkhosi yaseHeshboni.

Joshuwa 13:10

nawo onkhe emadolobha aSihoni, inkhosi yema-Amori, labebusa eHeshboni, kuze kuyewufika emnyeleni wema-Amoni.

Joshuwa 13:16

Live kusuka e-Aroyeri emngcengcemeni weMsaho wase-Anoni, nekusuka edolobheni lelisemkhatsini weMsaho, lifake ekhatsi sonkhe sibebesi semmango waseMedeba,

Joshuwa 13:17

kuye eHeshboni kanye nawo emadolobha ayo labesetulu esibebesini labefaka ekhatsi iDiboni, neBhamothi Bhali, neBhethi Bhali Meyoni,

Joshuwa 23:1

Kwatsi kube kwendlule sikhatsi lesidze naSimakadze asanike ema-Israyeli kuphumula etitseni tawo tonkhe letatiwatungeletile, Joshuwa, labesamdzala akhulile ngeminyaka,

Tikhulu 10:8

labancoba ngalowo mnyaka abacindzetela. Kwadzimate kwaphela iminyaka leli-18 solomane baka-Israyeli bacindzetelekile bonkhe, labebakhe ngasemphumalanga kweJordane, eveni lema-Amori, kulakaGileyadi.

Tikhulu 3:11

Ngako live laba nekuthula iminyaka lengema-40, kwaze kwafa Othniyeli, umsa waKhenazi.

Tikhulu 3:30

Kusukela ngalelo langa emaMowabi aba ngaphansi kwesive sema-Israyeli, live laba nekuthula iminyaka lengema-80.

Tikhulu 5:31

“Yebo, Simakadze, shangatsi tonkhe titsa takho tingabhubha. Kodvwa labo labatsandza wena bangakhanya njengelilanga naliphumako ngemandla alo.” Live laba nekuthula iminyaka lengema-40.

Tikhulu 8:28

Atfotjiswa kanjalo-ke emaMidiyani ngaphansi kwa-Israyeli, akazange aphindze atiphakamise. Ngesikhatsi saGideyoni ema-Israyeli aba nekuthula iminyaka lengema-40.

Tikhulu 9:22

Abimeleki wabusa sive sema-Israyeli iminyaka lemitsatfu.