Tikhulu 10:4 - Siswati 1996 Bible

⁴ Abenemadvodzana langema-30 labegibela timbongolo letingema-30. Lamadvodzana abephetse emadolobha langema-30 akaGileyadi. Lamadolobha nalamuhla loku asabitwa ngekutsi yiHavothi Jayire.

Tikhulu 10:4 Referencias Cruzadas

2 Samuweli 16:2

Inkhosi yabuta Siba yatsi: “Ukuletseleni konkhe loku?” Siba waphendvula watsi: “Letimbongolo tebemndeni wenkhosi yami kutsi bagibele, letinkhwa naletitselo talamadvodza kutsi adle, leliwayini lekunatsisa labo lasebadziniwe nalasebomile lapha ehlane.”

Zakhariya 9:9

Jabula kakhulu, Ndvodzakati yaseSiyoni! Memeta ngekujabula, Ndvodzakati yaseJerusalema! Ase ubuke, inkhosi yakho ita kuwe, ilungile, futsi iphetse insindziso, ita itfobekile, igibele embongolweni, etikwelitfole lembongolo, inkhonyane yembongolo.

Numeri 32:41

Jayire, umtukulu waManase, watfumba takhiwo tabo, watetsa libito watsi ngemaHavothi Jayire.

Dutheronomi 3:14

Jayire, umsa waManase, watsatsa sonkhe sifundza sase-Agobhu, kuze kuyewufika emnyeleni wemaGeshuri nemaMakhathi. Leyo ndzawo wayetsa ngaye; kuze kube ngulamuhla iBhashani yatiwa ngekutsi yiHavothi Jayire.

Tikhulu 10:3

Thola walandzelwa nguJayire wakaGileyadi, lowahola sive sema-Israyeli iminyaka lengema-22.

Tikhulu 10:5

Watsi kube afe Jayire, wangcwatjwa eKhamoni.

Tikhulu 12:14

Abdoni abenemadvodzana langema-40 nebatukulu labangema-30, babegibela timbongolo letingema-70. Yena-ke wahola sive sema-Israyeli iminyaka lesiphohlongo.

Tikhulu 5:10

“Nine lenigibela timbongolo letimhlophe, nihleti etihlalweni tetingubo, nani lenihamba ngendlela, khulumani ngako loku.