Tikhulu 1:18 - Siswati 1996 Bible

¹⁸ Imphi yakaJuda yatfumba iGaza, ne-Ashkeloni kanye ne-Ekroni. Ngulelo nalelo dolobha yayifike ilitfumbe kanye nelive lalo lonkhe.

Tikhulu 1:18 Referencias Cruzadas

1 Emakhosi 4:24

Wabusa yonkhe imibuso leyayingasenshonalanga kwemfula iYufrathe, kusukela eThifsa kuye eGaza, ahlalisene ngekuthula nato tonkhe tive letatimtungeletile.

Eksodusi 23:31

Iminyele yenu ngitayibeka isuke eLwandle Lolubovu kuye eLwandle lwemaFilisti, kuye ehlane, kuze kufike emfuleni. Takhamiti talelive ngiyawutinikela esandleni senu, niyawubacitsa nibakhiphele ngephandle.

Jeremiya 25:20

nabo bonkhe bantfu betive labalapho; onkhe emakhosi ase-Usi; onkhe emakhosi emaFilisti e-Ashkeloni, nase-Gaza, nase-Ekroni, nebantfu labasele e-Ashdodi;

Jeremiya 47:5

IGaza iyawuhhula inhloko yayo ilile, i-Ashkeloni yona iyawuvalwa umlomo, ibhubhe. Awu, nsali yasetsafeni, niyawutikhipha umkhuphulwane kuze kube ngunini?

Dutheronomi 2:23

Ema-Avi labakhe emadolobheni lagudla lwandle kuze kuyewufika eGaza, wona-ke abhujiswa ngemaKhrethe labechamuka eKhrethe. Lelive lase lidliwa ngulawo maKhrethe.

Joshuwa 11:22

Kute ema-Anaki lasala akhona eveni laka-Israyeli; insali yawo yabaseGaza, naseGathi, nase-Ashdodi.

Joshuwa 13:3

kusukela eMfuleni iShihori, emphumalanga neGibhithe, kuye eveni la-Ekroni ngasenyakatfo, lonkhe libalwa ngekutsi lemaKhenani, live lebabusi bemaFilisti labasihlanu eGaza, nase-Ashdodi, nase-Ashkeloni naseGathi, kanye nase-Ekroni kulema-Avi;

Joshuwa 15:11

Wawuhamba ucondze eceleni kweligcuma lelingasenyakatfo ne-Ekroni ujikele eShikheroni, wendlule ugudle iNtsaba iBhala ufike eJabniyeli. Umnyele wawugcina elwandle.

Tikhulu 14:19

Ngako Moya waSimakadze wehlela kuye ngemandla lamakhulu. Wehlela kulase-Ashkeloni, wabulala emadvodza akhona aba ngema-30; wawahlubula timphahla tawo, watitsatsa, watinika laba bebacombelele siphicaphicwana sakhe. Ngaleso sikhatsi abesatfukutsele abila, wesuka wahamba wabuyela ekhaya kubo.

Tikhulu 16:21

EmaFilisti ase ayambamba, akupuluta emehlo akhe, ehla naye, amyisa eGaza. Ambopha ngemaketane elitfusi, amgayisa ekhatsi ejele.

Tikhulu 3:3

kwakunguletive: emakhosi lasihlanu emaFilisti, nawo onkhe emaKhenani, nemaSidoni, nemaHivi labehlala etintsabeni taseLebanoni, kusukela eNtsabeni iBhali Hemoni kuze kuyewufika eLebo Hamathi.

1 Samuweli 6:17

Lawa ngematfumba egolide emaFilisti lawatfumela aba ngumnikelo welicala kuSimakadze: Lelinye lalila-Ashdodi, lelinye lilaGaza, lelinye lila-Ashkeloni, lelinye lilaGathi, lelinye lila-Ekroni.